Атай Өмүрзаков "Asia's Got Talent" сынагынын финалында "Адэм" бий тобун колдоого чакырды

Бийчи Атай Өмүрзаков өзү жетектеген "Адэм" бий тобун "Asia`s Got Talent" сынагынын финалында колдоого чакырды.

Бийчи интернеттеги жеке баракчасына: "Ошентип "Адэм" бий тобу "Asia`s Got Talent" сынагынын финалында калыстар тобу жана көрүүчүлөргө өз өнөрлөрүн тартуулашты. Эми бул теледолбоордо жеңүүчү болуп, Азиянын мыкты таланттары аталыш үчүн сиздердин жардамыңыздар керек. Ал үчүн добуш бериңиз. Күн сайын шилтеме аркылуу кирип 10 добуш берсеңиз болот. Добуш берүү алты күн жүрөт", - деп добуш берүү үчүн https://g.co/kgs/t7bwSn ушул даректи жазган.

Эскерте кетсек, Кыргыздын "Адэм" бий тобу сынакта алгач "алтын баскычка" ээ болгон. Андан соң көрүүчүлөрдүн добушунун көбүнө ээ болуп финалга жолдомо алышкан.

Asia Got Talent - Борбордук Азиядагы ырчы, бийчи, иллюзионист жана башка өнөрлүү адамдар арасында жаш куракты ылгабай өткөрүлгөн сынак. Аталган шоу 2015-жылдын 12-мартынан баштап Азия өлкөлөрүндө көрсөтүлө баштаган. Анда атаандаштар 100 миң доллар өлчөмүндөгү байгеге ат салышат.