Казак ырчысы Ерке Есмаханды сотко беришти

Казакстандын Алматыдагы мамлекеттик транспорт департаменти шоу-бизнес өкүлдөрүн транспорт салыгын төлөбөгөндүгү үчүн сотко берди. Бул тууралуу казакстандык басылмалар жазып чыгышты.

Маалыматта жазылгандай, салык төлөбөгөн деп шоу-бизнес өкүлдөрү Айдар Ернар, Ерке Есмахан, Женис Искакова жана Рано Умарованы сотко беришкен.

“Жылдыздар жалпы 400 миң теңгеден ашуун салык төлөшкөн эмес. Айдар Ернар - 205,1 миң теңге, Рано Умарова – 88,8 миң теңге, Женис Искакова – 72,2 миң теңге, Ерке Есмахан 41,1 миң теңге төлөшү зарыл. Бул жарандарга тийиштүү материалдар чогултулуп, сот органдарына берилди. Алар карыздарды өндүрүп алуу үчүн чечим чыгарышат”, - деп билдиришкен департаменттен.

Департаменттин маалыматы боюнча, транспорт салыгы боюнча Алматы шаарынын 90 миң тургунунун 4,2 миллиард теңге карызы бар.