Супер-Инфо
super.kg видео
ЭЛДИК КАБАР: "Бишкектеги ооруканада дем алдыруучу аппараттар иштебей калып кичинекей балдар 10 мүнөттөй араң дем алып жатып калышты" дейт окурман
Кечээ, 9-декабрь күнү кечки саат 11лер чамасында Бишкектин Жал кичи районунда жайгашкан "Эне жана баланы коргоо" борборунда кичинекей балдардын дем алдыруучу аппараттары иштебей калып балдар 10 мүнөттөй дем албай жатып калышты", - дейт окурман. Бул тууралуу ал "Элдик кабарга" билдирди.
"Инимдин бөйрөктөрү иштебей ооруканада жасалма аппараттын жардамы менен дем алып жаткан. Анын палатасында 8 бала жана башка палаталарда дагы балдар бар. Кечинде жасалма дем алдыруучу аппараттар иштебей калып, балдар дем ала албай калышты. Ызы чуу болуп, ата-энелер запастагы кислороддук баллондорду таап, балдарын көтөрүп келип, аппаратка туташтырышты. Балдар 10 мүнөттөй дем албай, өзүн жоготуп, муздап баштаганда гана кислород кошулуп эсине келишти. Дарыгерлер, баллондо кислород аз калгандыктан, суукта тоңуп калыптыр дешти. Бул нерсени алдын ала көзөмөлдөп коюшса болот беле? Ошол жерде бир нече бала каза болуп калса эмне болмок?" - деп жазат окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |