Милиция жансыз денеси табылган адамдын аты-жөнүн тактоого көмөктөшүүгө чакырат

Милиция жансыз денеси табылган адамдын аты-жөнүн тактоого көмөктөшүүгө чакырат. Бул тууралуу бүгүн, 14-декабрда Чүй ОИИББинин басма сөз кызматынан билдиришти.

Маалыматка ылайык, 1-декабрда Аламүдүн районуна караштуу Озерное айылында 30-35 жаштардагы белгисиз адамдын киши колдуу болгон жансыз денеси табылган.

"Анын бою 165-170 сантиметр, чачтары кара жана кыска алынган. Өзгөчө белгилери: курсагында 20 сантиметрге жеткен, операциядан кийин тигилгенден калган тырыктын изи бар. Оозунда сары металлдан салынган тиштери бар. Үстүндө кара түстөгү баш кийим, кара түстөгү күрмө, кара түстөгү шым, кара түстөгү бут кийим кийип жүргөн. Бул адам боюнча кандайдыр бир маалымат билген адамдар болсо, 0312 43-01-27, 0312 36-35-27, 0701 45-15-82 телефон номерлерине кабарлап коюуларын өтүнөбүз", - деп билдиришти басма сөз кызматынан.