Бишкекте индиялык боевик тартыла баштады

Бишкек шаарында Болливуд боевигин тартуу иштери башталды. Бул тууралуу индиялык актёр Санджай Датт өзүнүн социалдык тармактагы баракчасына жарыялады.

Маалыматка ылайык, Бишкекте продюсер жана композитор Рауль Миттра баштаган Болливуд кино жаратуучулары келип "Torbaaz" аталышындагы боевик жанрындагы тасманы тартуу иштерин башташкан.

Мындан сырткары Рауль Миттра да өздүк баракчасына маалымат жайгаштырып, кооз Бишкек шаары менен ырахаттанып жүргөнүн белгилеген.

Актёр Санджай Датт эң мыкты эркектин ролу үчүн "Filmfare" сыйлыгына татыктуу болгон. Ал буга чейин "Рокки", "Сүйүүнүн керемет күчү", "Сүйүү периштеси", "Менин укугум" жана башка көптөгөн тасмаларда роль жараткан.

Эскерте кетсек, буга чейин Болливуд кино жаратуучулары Кыргыз өлкөсүндө тасмада роль жаратуучу үчүн кастинг жарыялашкан.