Ысык-Көлдө тамеки тартуудагы этиятсыздыктан жарандын үйү өрттөнүп өзү ооруканага түштү

Ысык-Көл облусунун Жети-Өгүз районунда тамеки тартуудагы этиятсыздыктан улам жарандын үйү өрттөнүп, өзү ооруканага түштү. Бул тууралуу бүгүн, 21-декабрда Өзгөчө кырдаалдар министрлигинин басма сөз кызматынан билдиришти.

Маалыматка ылайык, кечээ, 20-декабрда саат 08:30дар чамасында өрт өчүрүү бөлүмүнө Жети-Өгүз районунун Кызыл-Суу айылында турак жай өрттөнүп жатканы тууралуу маалымат келип түшкөн. Жерине барган өрт өчүрүү кызматкерлери саат 10:00гө чейин өрттү толугу менен өчүрүп бүтүшкөн. Тилсиз жоонун кесепетинен турак жайдын уктоочу бөлмөсү өрттөнүп, үй ээси 37 жаштагы В.С. ууланып райондук оорукананын жандандыруу бөлүмүнө жеткирилген.