Бишкекте жаранды анын 3 таанышы ур-токмокко алып, тапанча менен коркутуп 50 миң сомун тартып алышты

Бишкек шаарында жаранды ур-токмокко алып тапанча менен коркутуп 50 миң сом акчасын тартып алышкан деп 19 жаштагы 3 тургун кармалды. Бул тууралуу 22-декабрда Бишкек ШИИББинин басма сөз кызматынан билдиришти.

Маалыматка ылайык, 17-декабрда Бишкек шаарынын тургуну 3 таанышы ага карата бир нече жолу күч колдонуп жана курал көрсөтүп коркутушуп, баш-аягы 50 миң сом акчасын тартып алганын айтып милицияга арыз менен кайрылган.

Бул факты боюнча териштирүү иштери жүргүзүлүп, натыйжада Бишкек шаарынын 19 жаштагы А.С., К.уулу Н. жана Э. уулу А. аттуу жарандар шектелип кармалган. Шектүүлөрдүн биринин жашаган жерин тинтүүгө алышканда пневматикалык тапанча да табылган.

Кийин аларга "тоноо" беренеси менен кылмыш иши козголуп, Октябрь райондук соту тергөө иштери бүткөнгө чейин камакка алуу чечимин чыгарды.