Супер-Инфо
super.kg видео
Бишкек ШИИББи: "Чубак Жалиловдун иши 2 факты боюнча иликтенип жатат"
Чубак Жалиловдун иши 2 факты боюнча иликтенип жатат. Бул тууралуу бүгүн, 11-январда Бишкек ШИИБинен билдиришти.
"Учурда Чубак Жалиловдун иши каралып, тергөөчүлөр 2 факты боюнча иш алып барууда, биринчиси анын эки аял алганы тууралуу билдирүүсү, экинчиси аялынын арызы боюнча. Ага карата кылмыш иши козголо элек", - деп билдиришти басма сөз кызматынан.
Эске салсак, Чубак Жалилов 2017-жылы ноябрь айынын аягында элден келген суроолорго жооп берип жатып, экинчи аял алганын айткан.
Мындан улам Бишкек ШИИББи диний ишмерди 2-декабрда жана 4-декабрда суракка алган. ШИИББ Жалилов суроолорго жооп берип жатып "биринчи аялым расмий, экинчи аялым сүйүктүүм" деп айтканын жарыялаган эле. Андан кийин эле диний ишмердин мыйзамдуу жубайы Гүлнур Жалилова "Сезим" кризистик борборуна күйөөсү коркутуп жатканын айтып, арыз менен кайрылган болчу.
Кыргыз Республикасынын Кылмыш-жаза кодексинин 153-беренесинде "Эки же андан көп аял алганда, башкача айтканда, жалпы чарба жүргүзүп, эки же андан көп аялдар менен чогуу жашаганда, эки жылга чейинки мөөнөткө эркиндигинен ажыратууга жазаланат" деп жазылган.
5
Эмнеге Чубак Жалиловго Кыргыз Республикасынын Жогорку Кенеш жана президентин шайлоо боюнча мыйзамын бузуп, дин окулу, аалымдар кенешинин мучосу катары шайлоодогу угут иштерине катышканы учун кылмыш иши козголуп жазаланбайт?!!
Чудак ажыга кеминде 4-5 статья менен кылмыш ишин козгоо керек!!!
Ушунчалык бош калыптыр Бишкек ШИИБи канчалаган адамдарды тоноп кетип атышат канчалаган адаидарды өлтүрүп кетип атышат ошолорду издебейби.
Ушу Чубак ажакебизди көрүшөт.
Дин адамдарына асылбай эле койушпайбы.
Биз деп элдин баарын кошпо. Элдин баары аңкоо эмес, элдин баары фанат эмес.