ТЕСТ: Дүйнөдөгү эң кымбат ич кийимдер кайсы брендге таандык? Мода жаатында кандай экениңизди тесттен сынаңыз

Michael Kors алгачкы кийиминин дизайнын 5 жашында ойлоп тапкан. Анда ал 2-жолу турмушка чыгып жаткан апасы кие турган үлпөт көйнөктү сүрөткө түшүрүп берген.

Valentino бренди алгачкы "Valentino Red" коллекциясында кызыл түстөгү ар кандай кооз 30 даана кече көйнөктөрүн тартуулаган. Дал ушул көргөзмөдөн кийин аталган бренддин кызыл түстөгү көйнөктөрү абдан популярдуу болуп, көптөгөн атактуулар кийген.

Башына жылан оролгон медузанын башы - Gianni Versace брендине таандык логотип.

Коко Шанелге таандык Chanel №5 атырынын чыкканына бир канча убакыт болгонуна карабай, өзүнүн баштапкы жытын жана өтүмдүүлүгүн жоготпой келет. Учурда аталган атырлар ар бир 30 секунд сайын сатылып турат.

Кооз ич кийим менен айкалышкан бийиктиги 15 сантиметрлик такалуу бут кийим кийип подиумга чыккан кытайлык модель Минс Си көргөзмө учурунда күтүүсүздөн кулап кетип, көпчүлүктүн эсинде калган.

Бренд эч качан сатып түгөтүүлөрдү же кандайдыр бир арзандатуу акцияларын өткөрбөйт. Мындан улам бренддин арзан баадагы сумкалары анын жасалма экенинен кабар берет.

Calvin Klein маркасы алгач эркектердин ич кийимдерин чыгарган. Кийинчерээк анын бренди атактуулар арасында популярдуу болуп, бир канча басылмалар мыкты деген бааларын беришкен соң айымдардын да ич кийимдерин чыгарууга өткөн.

Орусиянын башчысы Владимир Путин Canada Goose брендинин кышкы күрмөсүн кийип коомчулук алдына чыккан соң, дал ушул брендди бир канча атактуу жылдыздары жарнамалап, Орусияда мындай күрмөлөрдүн баасы жогорулаган.

Амансио Ортега Zara брендинин негиздөөчүсү. Учурда бир гана аталган брендди эмес, Oysho, Massimo Dutti, Bershka, Pull and Bear, Zara Home, Stradivarius, Uterque жана Lefties маркаларынын баарын бириктирген Inditex мекемесин жетектейт. Канчалык бай болгонуна карабай, атактуулуктан качып, журналисттерге маек берүүдөн баш тартып келет. Жакындарынын айтымында, түшкү тамакты да кол алдында иштеген кызматкерлер менен бирге жупуну ашканалардан эле ичет.

Gucci бренди айымдарга ылайыкталган Fiat 500 үлгүсүндөгү унаанын дизайнын ойлоп тапкан жана бул унаага аталган бренддин логотиби түшүрүлгөн.

Поло деп аталган көйнөктөр (рубашка) Lacoste брендине таандык. Көпчүлүк бренддин аталышын Polo деп ойлоп алышкан.

Adidas жана Puma`нын негиздөөчүлөрү Адольф жана Рудольф Дасслер аттуу бир туугандар спорттук бут кийимдердин көргөзмөсүндө кезигишкени менен бири-бири менен такыр сүйлөшүшчү эмес. Ортолорунда ар дайым атаандаштык болуп турган. Ал гана эмес Puma`нын негиздөөчүсү Рудольф Дасслер каза болгондо да бир тууганы басып барган эмес. Бирок экөөнүн сөөгү бир көрүстөнгө коюлган.

Наркы дүйнөдөгү эң кымбат унаалардын баасына тең келген ич кийимдер жыл сайын "Victoria's Secret" бренди тарабынан чыгарылып келет. Баалуу асыл таштар менен кооздолгон ич кийимдерди аталган бренд 1996-жылдан бери чыгарып, алар 1 миллион доллардан 15 миллион долларга чейин бааланат.

Dolce & Gabanna брендинин негиздөөчүлөрү Доменико Дольче менен Стефано Габбана салттуу эмес ориентацияда экенин коомчулуктан жашырышпайт.