ЖЫЛНААМА, 19-ЯНВАРЬ: Ырчы Бегимай Карабаева: "Туулган күнүм менен биринчилерден болуп сүйгөнүм куттуктап келди"

Бүгүн, 19-январда ырчы Бегимай Карабаева 30 жашка толду. Ырчы айым SUPER.KG порталына туулган күнү менен биринчилерден болуп сүйгөн адамы куттуктаганын билдирди.

"Убакыт өткөн сайын тынч жашоону каалап калат экенсиӊ. Туулган күнүмдү эч кимге деле белгилейм деп айткан жокмун. Буга чейин ар жылы сахналаш досторум менен Бишкекте белгилечүмүн. Быйыл Баткенде апамдын жана кыздарымдын жанында белгилеп жатам. Белектерди бир ай мурун эле өзүмдүн сүйгөн адамымдан жана апамдан алып койгом. Түнкү саат 00:00дө сүйгөнүм туулган күнүм менен биринчилерден болуп куттуктап келди. Ал гүл бергенди жактырбайт. Себеби "гүл тез эле соолуп калат" деп жашоомо керектүү, өзүмө жаккан белекти алып берди. Ал экөөбүз бүгүн мени жарык дүйнөгө алып келген апама белек алдык", - деди Бегимай Карабаева.

Бегимай Карабаева 1988-жылы 19-январда Баткен шаарында жарык дүйнөгө келген. 2004-жылы Баткендеги В.И.Ленин атындагы орто мектепти бүтүрүп, Ош мамлекеттик университетинин юридикалык факультетин аяктаган. Эл оозуна "Баёо сезим", "Жалгыздык", "Адашпайм" деген ырлары менен алынган. Мурунку жолдошунан эки кызы бар.

19-январдын жылнаамасы.