Бишкек ШИИББи: "Январь айынын башынан бери 15 адам суукка тоңуп каза болду"

Бишкекте январь айынын башынан бери үй-жайсыз 15 адам суукка тоңуп каза болду. Бул тууралуу SUPER.KG порталына бүгүн, 26-январда Бишкек ШИИББинин басма сөз кызматынан билдиришти.

"Күн сайын үй-жайсыз жана кайыр сурап жүргөн адамдарга түшүндүрүү иштери жүргүзүлүп, көп кабаттуу үйлөрдүн чатырлары, жер төлөлөрү, жылуулук түтүктөрү өткөн жайлар текшерүүгө алынып жатат. Эгер андай адамдар табылса, аларды "Коломто" жана башка үй-жайсыз адамдар жашаган кайрымдуулук үйүнө алып барып жайгаштырып жатабыз. Январь айында 50гө жакын үй-жайсыз адамдарды аталган үйлөргө жайгаштырдык. Андан сырткары биздин мобилдик батальондун кызматкерлери тарабынан көчөдө мас абалында уктап калып же башка себептер менен көчөдө калган 85 жаран "Коломтого" жеткирилип жайгаштырылган", - деп билдиришти басма сөз кызматынан.