КИНОЗАЛ: SUPER.KG`де 2007-2009-жылдарда жаӊырган хит ырлардан топтолгон концерттер

SUPER.KG порталынын "Кинозал" бөлүмүндө Мирбек Атабеков, Ильяз Абдыразаков, Алихан, Султан Садыралиев, Мирбек Иманбеков баштаган белгилүү эстрада ырчыларынын 2007-2009-жылдары жылдыздары жанып турган учурда койгон жеке концерттери жүктөлдү. Анда арыкчырай Атабековдун "Жүрөгүм", "Ошондо жакшы болобу" деген ырлары хит болуп жаткан учур болсо, Ильяз Абдыразаков "Азап" деген ырынын аталышында концерт койгон. Ал эми "Сүйүүнүн кереметин" даңазалаган Мирбек Иманбеков менен "13 жашар баланын арманы" деп сыздаган Султан Садыралиевдин ал кездеги жеке концерттерин көрсөңүз, ырчы мырзалардын жаштык курагын дагы бир ирет эске түшүрө аласыз.

Жогоруда аталган 2007-2009-жылдардын хит ырларын камтыган концерттерди көрүү үчүн "Кинозал" бөлүмүнө баш багыңыз.