Супер-Инфо
super.kg видео
ЭЛДИК КАБАР: "Бишкекте жылуулук бериле баштады деген куру кеп, чындыгында жылуулук бериле элек" дешет окурмандар
"Биз борбор калаанын Сүйүнбаев-Москва көчөлөрүнө жакын жердеги үйлөрдө жашайбыз. Жылуулук берилди дегенден бери жылуулукту күтүп отурабыз, бирок жарытып жылый элек", - деген билдирүүнү окурман "Элдик кабар" рубрикасына WhatsApp аркылуу билдирди.
Мындан ташкары "Элдик кабарга" бир катар окурмандардан билдирүүлөр келип түштү. Алардын бири: "Борборубуздун Ахунбаев-Чыңгыз Айтматов көчөлөрүнүн кесилишине жакын жердеги көп кабаттуу үйдө турабыз. Кыш келгенден бери батирибиз жарытылуу жылыбай жаткан, азыркы суукта жылуулук берүүчү батарейкалар таптакыр муздак. Жаш балдарыбыз бар, ооруп кала электе бул маселени чечип беришсе", - деп жазган.
"Бийлик болбой калсын, жылуулук берүү борбору бир жумалык суукка туруштук бере албай койду. Электр энергиясы да өчкөн, жылуулук да жок. Бөлмөнүн ичи сырттагыдай суук. Бишкек шаарындагы 5-кичи районундагы көп кабаттуу үйлөрдө турабыз", - деген окурмандардын бири.
"Бишкектин 12-кичи районундагы көп кабаттуу үйдө жашайм. Бүгүн, 29-январда билдирем, жылуулук бериле элек, батарейкалар ысыбай эле турат. Бөлмөнүн ичиндеги суукту айнектеги муздар далилдейт", - деп жазган окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
Тиги бобокко боорум ооруду,муздак аба жутуп сыркоолоп калышпаса экен.Буга окшогон канча наристелер бар!!!