Сапар Исаков бүгүн түштөн кийин саат 4кө чейин Бишкекте жылуулук толугу менен калыбына келтириле турганын айтты

Өкмөт башчы Сапар Исаков бүгүн, 30-январда "Ачык өкмөт" конференциясында сүйлөп жатып саат 16:00гө чейин Бишкекте жылуулук толугу менен калыбына келтириле турганын айтты.

Өкмөт башчы Бишкек ЖЭБдеги жаралган кырдаал өкмөткө сабак болгонун белгиледи. Анын айтымында, Башкы прокуратура кырдаалдын эмнеден улам келип чыкканын териштирип чыгып, тийиштүү чара көрөт.

"ЖЭБдеги жаралган кырдаал өкмөткө чоң сабак болду. Бул акыркы үч күндөгү абал боюнча шаар тургундарынан дагы бир ирет кечирим сурайбыз. Бүгүн саат 16:00гө чейин жылуулук толугу менен берилип, абал калыбына келтирилет. Ал эми ЖЭБдеги авариянын эмнеден улам келип чыкканын териштирип чыгуу үчүн Башкы прокуратура тарабынан иштер аткарылып жатат. Анын жыйынтыгына жараша чара көрүлөт. Эми мындай иштер кайталанбашы керек", - деди Исаков.