Супер-Инфо
super.kg видео
ТЕСТ: Кыргыздын кайсы ыры 18 тилге которулган? Ырлардын тарыхын билесизби?
Музыка - бул жан дүйнө. Ар бир адамдын өзүнүн табитине жараша жакшы көргөн ыры, ар дайым сүйүп уккан чыгармасы бар десек жаңылбасак керек. Бүгүнкү тест кыргыз шоу-бизнесиндеги жана дүйнөлүк ырлар тууралуу болмокчу. Анда эмесе, ырларды канчалык деңгээлде биле турганыңызды сынап көрүңүз.
кошулду
1
2
3
4
5
6
7
8
9
10
11
12
13
14
15
Алтынай Нарбаеванын аткаруусундагы "Жарты кайык" чыгармасы эмне тууралуу?
Ырдын сөзүн жазган Зайырбек Ажыматовдун атасы 4 жашында каза болуп, апасы 6 жашында башкага турмушка чыгат. Таенесинин колунда калган акындын энеге болгон кусалыгы, сагынычы тарабай аталган ырдын сөзүн жазган.
Жалгыздык жана кусалык
Сынып калган кайык тууралуу
Сүйүү жана арман
Көптөгөн ырчылар аткарып жүргөн "Таң сыры" чыгармасы кимге арналып жазылган?
Ырдын сөзүн жазган Аскар Исаев студент кезинде Мария аттуу кызды жактырып калат. Бирок кыз окууну бүткөн соң Японияга кетип калат. Ошондо күйүтүнөн улам: "Сагынганда бир келерсиң, Саргайганда бир келерсиң, Ала-Тоону көргөнү...” деген саптарды жаратат. Кийин ал Мария аттуу бийкечке залкар жазуучу Чыңгыз Айтматов үйлөнөт.
Ырдын сөзүн жазган Аскар Исаевдин жубайына
Чыңгыз Айтматовдун жубайы Мария Айтматовага
Эч кимге арналган эмес
Дүйнөлүк хитке айланган "Despacito" чыгармасын кайсы өлкөдө угууга тыюу салынган?
Ырда аткаруучу ага жагып калган кыз менен кумарга батууну каалап жатканы тууралуу баяндайт. Мындай мазмунду жактырбаган Малайзия бийлиги ырды теле-радиолордон алып салууга тапшырма берген.
Кыргыз өлкөсүндө
Малайзияда
Өзбекстанда
Ырчы Турдакун Ниязалиевдин балалык сүйүүсүнө арналган чыгарма?
Турдакун Ниязалиевдин айтымында, ал балалык сүйүүсүнө арнап "Айлуу кеч" аталышындагы ырды жазган. Кийин обондуу ырга айланган бул чыгарманы Ынак Осмоналиев аткарып жүргөн.
Нурлан Насиптин аткаруусундагы "Көпөлөгүм"
Замир Арыкбаевдин аткаруусундагы "Көлдүк кыз"
Ынак Осмоналиевдин аткаруусундагы "Айлуу кеч"
Айнура Салахидинова ырдап жүргөн "Ажыратмак болсоң эгер, не коштуң бизди, Кудай?” деген саптары бар "Арман" чыгармасы кайсы белгилүү ырчынын жашоосунан алынган?
Ырдын сөзүн ырчы, обончу Майрамбек Осмонов өзүнүн жашоосунда болуп өткөн окуялардан улам жазганын "Супер-Инфо" гезитине берген маегинде айткан. Тактап айтканда, ырчы биринчи жубайы Айгүл менен ажырашып кеткен соң, көп убакытка чейин кусага батып, жыйынтыгында аталган чыгарманы жараткан.
Айнура Салахидинованын өзүнүн жашоосунан
Ырчы Майрамбек Осмоновдун
Гүлжигит Сатыбековдун
Түркияда бул ырды уккан көптөгөн жаштар өз жанын кыйгандыгы тууралуу кептер чыгып, аталган өлкөдө ырды угууга тыюу салынган...
Түркияда Мурат Кекиллинин "Вu akşam ölürüm" (Мен бул кечте өлөм) чыгармасын уккан миңдеген жаштар өз жанын кыйган деген кептер тарап, өлкө бул ырды теле-радиолордон берүүгө тыюу салган.
Мурат Кекилли "Вu akşam ölürüm"
Таркан "Du-Du"
Майкл Жексон "Bad"
"Жашыймын көп эстеп ал күндөрдү, Жаштыгым жаштыкка окшобогон" бул саптар кайсы ырда кездешет?
Бул саптарды Элмирбек Иманалиевдин калемине таандык "Булбулум" чыгармасынан кездештирүүгө болот.
"Мен сүйгөн менен пайда жок"
"Булбулум"
"Жүрөк сыздайт"
Бактияр Токторовдун "Буй-буй" аталышындагы ыры эмне жөнүндө жана кимге арналган?
Бактияр Токторовдун жубайы кош бойлуу болуп, эгиз кыздардын төрөлүшүн күтүп жүргөн кезде боюнан түшүп калат. Кайгырып, ыза болгон ырчы "Буюрбаса айла жок экен" деген саптары бар "Буй-буйлап" ыйлаган ырын жараткан.
Ыза. Жарык дүйнөгө келбей калган наристелерге арналган
Шылдың. Тамаша иретинде жазылган ыр
Кусалык. Сагынуудан улам жаралган чыгарма
Баарыбызга белгилүү "Титаник" тасмасындагы "My Heart Will Go On" саундтрегин аткарган белгилүү ырчы?
"My Heart Will Go On" чыгармасын канадалык ырчы Селин Дион аткарган.
Мадонна
Селин Дион
Уитни Хьюстон
18 тилге которулган кыргыз ыры?
Ильяз Абдыразаков "Супер-Инфо" гезитине берген маегинде "Шок кыздар" ырын боордош казак бир туугандар баштаган бир топ өлкөнүн ырчылары өз тилдерине которуп ырдашканын, жалпысынан ыр 18 тилге которулганын билдирген. Алардын айрымдары ырдын аталышын "Жаным, ай" деп алмаштырып да алышкан.
Нурлан Насип "Туулган күн"
Саламат Садыкова "Кыргыз жери"
Ильяз Абдыразаков "Шок кыздар"
"Супер-Инфо" гезитинин 2013-жылдагы тандоосу боюнча "Жылдын супер ыры" наамына татыган чыгарма?
Гүлжигит Сатыбековдун аткаруусундагы "Мен сенден кетейинчи" чыгармасы "Супер-Инфонун" 2013-жылдагы тандоосу боюнча "Жылдын супер ыры" аталган.
Мирбек Иманбеков "Сүйүүнүн керемети"
Гүлжигит Сатыбеков "Мен сенден кетейинчи"
Султан Садыралиев "Эгиз жүрөк"
Кыргыз Республикасынын "экинчи гимни" аталган чыгарма?
Сөзү Т.Байзаковго, обону А.Жайнаковго таандык Саламат Садыкованын аткаруусундагы "Кыргыз жери" чыгармасы Кыргыз Республикасынын "экинчи гимни" деп аталып калган.
Саламат Садыкованын аткаруусундагы "Кыргыз жери"
Анарбек Ибраевдин аткаруусундагы "Бишкегим"
Керим Тураповдун аткаруусундагы "Туулган жер"
АКШда көптөгөн үлпөт тойлор бул чыгармасыз өтпөйт...
Чет элдик басылмалардын иликтөөсүндө, АКШнын жашоочуларынын басымдуу бөлүгү үлпөт тойдо Уитни Хьюстондун аткаруусундагы "I Will Always Love You" ырына ак бийге түшүшөт.
Робби Уильямс "Feel"
Уитни Хьюстон "I Will Always Love You"
Бейонсе "Halo"
Токтобек Асаналиевдин кайсы ыры Ат-Башыга арналган?
Токтобек Асаналиевдин "Алмашып күзгө жашыл жай, Ат-Башым агат шашылбай. Ат кечпей суунун агымын, Арманым аттын башындай" деген саптарды камтыган "Боогачың сенин болоюн" деген аталышындагы ырында Ат-Башыга болгон сүйүүсү камтылган.
"Нарындан жазган салам кат"
"Кең Тянь-Шань"
"Боогачың сенин болоюн"
Бул ыр менен Гүлжигит Калыков "Евразия жылдызы" сынагын жеңсе, казак ырчысы Кайрат Нуртас обонун өзгөртпөгөнү менен сөздөрүн алмаштырып ырдап жүрөт?
Ырчы Гүлжигит Калыков Түгөлбай Казаковдун "Жамгыр төктү" ырын аткарып, "Евразия жылдызы" сынагынын жеңүүчүсү аталган. Бул ырды Калыковдон башка Султан Садыралиев, Гүлзада Рыскулова, Юлия Руцкая жана башка бир топ ырчылар аткарып жүрүшөт. Ал эми казак ырчысы Кайрат Нуртас ырдын обонун өзгөртпөгөнү менен, сөздөрүн алмаштырып алып аткарган.
Анатай Өмүрканов "Сен дегенде"
Кыялбек Урманбетов "Ким билет"
Түгөлбай Казаков "Жамгыр төктү"
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
10
1 | 2 |