ТЕСТ: Кышкы Олимпиада оюндары жөнүндө жана Кыргыз спортчулардын жетишкендиктери тууралуу билесизби?

Түштүк Кореяда өтө турган Кышкы Олимпиадага Кыргыз өлкөсүнөн 2 спортчу катышат. Анда Тариэл Жаркымбаев жана Евгений Тимофеев өзүнүн чеберчилигин көрсөтөт. Тариэл Жаркымбаев лыжа менен жарышуу боюнча мелдешке катышса, Евгений Тимофеев өзүн гигант слалом жана слалом түрлөрүндө көрсөтөт.

Түштүк Кореяда өтө турган Кышкы Олимпиада оюндарында спорттун 7 түрү боюнча мелдеш өтөт. Анда спортчулар биатлон, бобслей, кёрлинг, чана спорту, муз үстүндөгү хоккей, коньки спорту жана лыжа спорту боюнча мелдештерде күч сынашат.

2018-жылы Кышкы Олимпиада оюндары Түштүк Кореянын Пйоңчаң шаарында 9-25-февраль аралыгында өтөт. Бул мелдешке 92 өлкөнүн спортчулары катышат.

Кышкы Олимпиада оюндарында Кыргыз спортчулардын эң мыкты көрсөткүчү 41-орун болгон. Мындай көрсөткүчтү 2006-жылы Иван Борисов көрсөтсө, 2014-жылы ушул эле көрсөткүчтү Евгений Тимофеев көрсөткөн.

2014-жылы Орусиянын Сочи шаарында өткөн Кышкы Олимпиада оюндарына Кыргыз өлкөсүнүн намысын коргоп Евгений Тимофеев катышкан.

2014-жылы Орусиянын Сочи шаарында өтүп жаткан мелдешке саналуу күндөр калганда Дмитрий Трелевский машыгуу учурунда тизесинен оор жаракат алып, Кышкы Олимпиадада өнөрүн көрсөтө албай калган.

2014-жылы Орусиянын Сочи шаарында өткөн Олимпиаданын ачылыш аземинде олимпиадалык 5 шакекченин бири ачылбай калган. Шакекченин ачылбай калышына ирландиялык адистер күнөөлүү деп табылган. Алар аземге даярдануу учурунда шакекчени түшүрүп салышканы айтылат.

1994-жылы Норвегиянын Лиллехаммер шаарында өткөн Кышкы Олимпиада оюндарында Кыргыз өлкөсү 1 спортчу менен көрсөтүлгөн. Анда биатлон боюнча мелдешке Кыргыз спортчусу Евгения Роппель катышкан.

Кыргыз спортчулары алгачкы жолу Кышкы Олимпиада оюндарына 1994-жылы катышкан. Анда Олимпиада оюндары Норвегиянын Лиллехаммер шаарында орун алган. Ага 67 өлкөдөн келген 1739 спортчу катышып, кышкы спорттун 6 түрү боюнча мелдеш өткөн.

Кышкы Олимпиада оюндарынын тарыхында эң титулдуу спортчу норвегиялык Уле-Эйнар Бьёрндален. Ал 1998, 2002, 2010 жана 2014-жылы өткөн Кышкы Олимпиада оюндарына катышып, жалпы эсепте 13 медаль, анын ичинде 8 алтын медаль утуп алган. Андан тышкары Бьёрндален дүйнөнүн 20 жолку чемпиону жана башка көп ири мелдештерде медалдарды багындырган.

Кышкы Олимпиадалардын тарыхында командалык эсеп боюнча алдыңкы орунду эң көп жолу СССР жана Орусиянын курама командасы багындырган. Жалпы эсепте СССР жана Орусия курамасы Кышкы Олимпиада оюндарында 9 жолу алдыңкы команда болуп чыккан. Орусия жана СССРдин спортчулары жалпы эсепте 306 медаль жеңип, анын ичинде 122си алтын, 91и күмүш жана 93 коло медалдар. Советтик спортчулар алгач 1956-жылы Кышкы Олимпиадага катышкан. Ошол эле Олимпиадада СССРдин курамасы 7 алтын, 3 күмүш жана 6 коло медаль жеңип

Алгач Кышкы Олимпиада 4 жылдык аралык менен, Жайкы Олимпиада менен бир жылда өтчү. 1994-жылдан баштап Кышкы Олимпиада Жайкы Олимпиада өткөндөн 2 жылдан кийин өткөрүлөт.

1924-жылы Франциянын Шамони шаарында өткөн I Кышкы Олимпиада оюндарында спортчулар кышкы спорттун 4 түрү боюнча таймашка түшкөн. Алар бобслей, кёрлинг, коньки спорту жана лыжа спорту боюнча мелдешкен.

Алгачкы Кышкы Олимпиада оюндары Франциянын Шамони шаарында өткөн. Бул мелдеште 16 өлкөнүн 293 спортчусу 16 медалдар топтому үчүн күч сынашкан. Мелдештин жыйынтыгында Норвегия курамасы жалпы 17 медаль, анын ичинен төртөө алтын, жетөө күмүш жана алтоо коло медаль жеңип, командалык эсепте 1-орунду багындырган.