Супер-Инфо
super.kg видео
ТЕСТ: Сүйүү деген сүйүү эмес эринден... Сезимдердин падышасы тууралуу билгениңизди тесттен сынаңыз
Бүгүн, 14-февралды дүйнөнүн көптөгөн өлкөлөрү Ыйык Валентин же сүйүү күнү катары белгилеп келишет. Бул күн Америкада 1777-жылдан тарта, ал эми КМШ мамлекеттеринде 1990-жылдан баштап белгилене баштаган. Акыркы жылдарда көпчүлүк өлкөлөр сыяктуу эле Кыргыз мамлекетинде да бул күндү сүйүү күнү катары белгилөөгө тыюу салуу сунуштары айтылып келет. А бирок сүйүүгө тыюу салынган эмес. Анда, күчтүү сезимге байланыштуу маалыматыңызды тест аркылуу сынаңыз.
1
2
3
4
5
6
7
8
9
10
11
12
Миллиондогон кыздарды ыйлаткан түрк сериалын атаңыз...
"Түбөлүк сүйүүнүн" фанаттарына капыстан "бомба" түшкөндөй болду. Аягы "хеппи эндге" жакындап баратып эле сериалдын башкы каарманы Кемаль өлүп калды. Бул социалдык тармактарда, эки курбунун башы кошулган жерде, үйдө, көчөдө, базарда талкууланып, айтор, Кемалдын өлүмүнө кайдыгер адам калбады.
"Ак-кара сүйүү" сериалы
"Жаңы келин" сериалы
"Түбөлүк сүйүү" сериалы
"Сүйүү кулпусу" деген көпүрө кайда жайгашкан?
"Сүйүү кулпусу" деп аталган бул көпүрө Парижде жайгашкан. 2008-жылдан бери Парижге келген туристтер бул көпүрөнү "Сүйүү кулпусу" катары санап, ага кулпуларды бекитип келишкен. Бирок илинген кулпулардын оордугунан улам көпүрөнүн тосмосу урап калып, кулпу илүүгө тыюу салынган.
Кытайдын Шэньчжень шаарында
Германиянын Берлин шаарында
Франциянын Париж шаарында
Сүйүшкөндөргө белгилүү жарылган тоо кайда жайгашкан?
Жарылган тоо сүйүшкөн жаштарга өтө белгилүү. Ал Ысык-Көл облусунун Жети-Өгүз районунда жайгашкан.
Кадамжайда
Бакай-Атада
Тогуз-Тородо
Жети-Өгүздө
Алмазбек Атамбаев "Мен сенсиз жашай албайм" деген ырын качан жазган?
Экс-президент Алмазбек Атамбаев бул ырын 2016-жылы 6-июлда ырдап чыккан. Өзүнүн айтымында, бул сүйүү тууралуу ырын 2009-жылы жазган.
2017-жылы президенттик кызматтан кетип жатып жазган
1979-жылы студенттик кезинде жазган
2009-жылы коомдук-саясий иштер менен алектенип жүрүп жазган
Сүйүү күнүн расмий түрдө майрамдоого тыюу салган жалгыз өлкөнү атаңыз...
14-февралды сүйүү күнү деп расмий түрдө майрамдоого тыюу салган жалгыз өлкө - бул Сауд Арабия. Эгерде кимдир бирөө мыйзамды бузса, жоопко тартылат.
Иран
Катар
Пакистан
Сауд Арабия
Кайсы өлкөдө 14-февраль күнү кыздардын биринчи көргөн мырзасы анын өмүрлүк жары болот?
Британияда турмушка чыга элек кыздар таң атпай туруп алып, терезеден ары-бери өткөн мырзаларды карашат. Уламышка ылайык, кыз кайсы мырзаны биринчи көрсө ал анын өмүрлүк жары болот.
Улуу Британияда
Украинада
АКШда
Түштүк Кореяда
Сүйгөн адамыңа канча даана гүл берүү керек?
Сүйгөнүңдүн табитине жараша каалаган гүлдү каалаган санда берсең болот. Бирок жуп болбошу керек.
3 даана
1 даана
100 даана
Каалаган санда берсең болот, бирок жуп болбошу керек
14-февралда сүйүү күнү кайсы шаардагы мектептерде белгиленбейт?
Ош шаарындагы мектептерде белгиленбейт. Шаардык билим берүү башкармалыгы мындай иш-чара окуучулардын тарбиясына терс таасирин тийгизет деген негизде 5 жылдан бери шаардагы мектептерге сүйүү катын салган кутучаларды орнотууга, оюн-зоок программаларын өткөрүүгө тыюу салып келет. Быйыл да тыюу салынды.
Баткен шаарындагы мектептерде
Бишкек шаарындагы мектептерде
Ош шаарындагы мектептерде
Нарын шаарындагы мектептерде
Өткөн жылы 14-февралда канча түгөй баш кошкон?
2017-жылы 14-февралда Кыргыз Республикасынын аймагында 175 түгөй баш кошкон. Алардын 17си Бишкек шаарында никесин каттаган.
200
175
150
Армандуу "Акшам" ырын угуп канча адам өз жанын кыйган?
Түркиялык композитор жана ырчы Мурат Кекилинин "Акшам" деген аталыштагы обондуу ырын угуп 213 адам өз жанын кыйганы айтылып келет. Алардын көпчүлүгү бул муңдуу ырды угуп, жашоодон кечкенин жазып кетишкен тил каттарынан белгилүү болгон.
55
138
213
"Канат менен Зарина" поэмасын окусаңыз керек. Канат чыгарманы жазган Сооронбай Жусуевдин кимиси болгон?
"Канат менен Зарина" поэмасын Кыргыз Эл баатыры Сооронбай Жусуев жазган. Чыгарма болгон окуянын негизинде жазылган. Жигити Канаттын мезгилсиз каза болгонун уккан соң Зарина өз жанын кыюуга бет алып, унаасы менен дарактарды сүзүп каза болгон. Канат Жусуевдин небереси болгон.
Коңшусунун баласы
Небереси
Окурманы
Сүйүү күнүн белгилөөгө себепчи Валентин өзү ким болгон?
14-февралды сүйүү күнү деп белгилөөгө 269-жылы өлүм жазасына тартылган христианин Валентин себепчи болгон. Рим императору Юлий Клавдий II империя солдаттарынын үйлөнүүсүнө тыюу салганда Валентин чиркөө кызматкери болгондуктан түгөйлөрдү жашыруун түрдө үйлөндүрүп турган. Муну билип калгандан кийин Клавдий аны өлүм жазасына тартууну буйрук кылган.
Чиркөө кызматкери болгон
Рим императору Юлий Клавдийдин оң колу болгон
Аскер адамы болгон
Сүйгөнүнүн артынан өмүр бою чуркап жүрүп өлүп калган адам
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
3
Суйуун бекем окшойт. Жакшы.
Атамбаевдин ырын 79-жылы жазганго деп ойлогом