Ирак Республикасын кайрадан калыбына келтирүүгө 30 миллиард доллар берилет

Террордук чабуулдан улам кыйраган Ирак Республикасын кайрадан калыбына келтирүү үчүн Дүйнөлүк коомчулук 30 миллиард доллар каражатты инвестиция жана насыя түрүндө беришет. Мындай чечим Кувейтте өткөн донор болчу мамлекеттердин 3 күндүк эл аралык конференциясында кабыл алынды. Чечимге ылайык, эң ири сумманы Түркия 5 миллиард доллар, АКШ 3 миллиард доллар, Германия 350 миллион евро, Евробиримдик 400 миллион евро жана Персид аралындагы өлкөлөр беришет.

Германия Федеративдүү Республикасынын экономикалык маселелер боюнча министри Герд Мюллер: "Дүйнөлүк коомчулук Ирак Республикасын кайрадан калыбына келтирүү үчүн чогуу иштешүүсү керек. Жардамдын 90 пайызын 10 гана өлкө көрсөтүп жаткандыгы туура эмес", - деп билдирген.

Белгилей кетсек, Багдад бийлиги согуштан тарткан зыяндын жалпы суммасын 46 миллиард долларга баалаган.