ТЕСТ: Кино ааламындагы дөө-шаалардын башын бириктирген "Оскар" тууралуу маалыматтарды чагам десеңиз тесттен өтүп көрүңүз

2016-жылы 88-жолку "Оскар" сыйлыгын тапшыруу аземи өткөрүлгөн. Бирок киноакадемия алдын ала 14-январда талапкерлердин тизмесин жарыялаары менен чыр башталган. Режиссёр жана актёр Спайк Ли кара терилүү актёрлордун тизмеде жок экенине нааразычылыгын билдирип, "Оскар" сыйлыгына бойкот жарыялаган. Анын демилгесин актёр Уилл Смит баштаган кара терилүү атактуулар колдогон.

Австриялык актёр Питер Финч "Телесеть" тасмасы үчүн "Оскар" сыйлыгына көзү өткөндөн кийин көрсөтүлүп, аталган сыйлык анын жубайына тапшырылган. Питер Финч 3 ирет үйлөнүп, балалуу боло алган эмес. Ал 60 жаш курагында жүрөгү сокпой калып, бул жарык дүйнө менен кош айтышкан.

Америкалык актёр, режиссёр, продюсер Жорж Скоттко "Шылуун" тасмасындагы ролу үчүн киноакадемиктер "Оскар" наамын ыйгарган. Бирок актёр кино тармагындагы атактуулар менен атаандашпай турганын билдирип, бул наамдан баш тартып, академиктерге кайтарып берген.

Актёр эки ирет "Алтын глобус" сыйлыгына ээ болсо, алты жолу ал сыйлыкка көрсөтүлгөн. Бирок кино дүйнөсүндөгү эмгеги үчүн "Оскар" наамына бир да жолу талапкер боло алган эмес. Ал: "Прожектордун жарыгына көзүмдү уялтып, сыймыктануу, толкундануу менен сахнада тургум келет. Албетте, мындай жагымдуу учурга "Оскарды" алганда гана туш болсом керек. Бул эң башкы максатым", - деп айткан.

Салтанат 4 жолу алдын ала белгиленген убагынан кеч өткөрүлгөн. Биринчиси, 1938-жылы Лос-Анжелестеги суу ташкынынан улам 1 аптага, экинчиси 1968-жылы Мартин Лютер Кинг (АКШда жашаган кара терилүүлөрдүн укугун коргоочу кыймылдын лидери) каза болгондугуна байланыштуу 2 күнгө жылдырылган. Үчүнчүсү 1981-жылы АКШнын 40-президенти Рональд Рейганга кол салуу аракетинен улам 1 күн кийин өткөрүлсө, төртүнчүсү Пйоңчаңдагы Кышкы Олимпиада оюндарына байланыштуу жылдырылган.

Ширли Темпл жарнамалык роликтерде, кыска жана толук метраждуу тасмаларда жараткан ролу үчүн 6 жашында "Оскардын" "Эң жаш сыйлыгы" менен сыйланган. Наам алгандан кийин атактуулугу артып, АКШдагы эң көп гонорар алган актриса болууга жетишкен. Кино жаатында атактуулукту багынткан Ширли Темпл актёрдук ишин жыйыштырып, саясатка аралашкан. Ал Гана Республикасындагы жана Чехословакиядагы Американын элчиси, БУУнун башкы ассамблеясынын өкүлү болгон.

Америкалык кинорежиссёр-мультипликатор, сүрөтчү жана "Walt Disney Pictures" компаниясынын негиздөөчүсү Уолт Дисней "Оскар" сыйлыгын алуу боюнча рекорд жараткан. Анын 59 эмгеги бул наамга көрсөтүлүп, 26сы "Оскарга" ээ болгон.

"Алтын малина" актёрдун чеберчилиги, фильмдин сценарийи, режиссёрдун эмгеги эң начар деп табылгандарга ыйгарылат. Бул антисыйлык 1981-жылы америкалык публицист Жон Уилсон тарабынан негизделген. Малинанын айкели желимден жасалып, алтын түстөгү боёк менен боёлгон. "Оскар" сыйлыгын тапшыруудан бир күн мурда "Алтын малина" наамынын ээлери аныкталат.

Сөз америкалык Кристалл аттуу маймыл-актриса тууралуу. "Маймылдардын Анжелина Жолиси" аталган Кристалл кожоюну Том Гандерсон менен Лос-Анжелесте жашайт. Ал "Музейдеги түн: Күмбөздүн сыры", "Жунглидеги Жорж" жана башка 30дан ашуун тасмаларда роль жараткан. 2015-жылы кино дүйнөсүнө кошкон салымы үчүн "Оскар" сыйлыгын алып, атактууларды басып өткөн.

1997-жылы тартылган "Титаник" тарыхта эң көп каражат топтогон лидер тасмалардын бири экени баарыбызга маалым. Фильм 1998-жылы "Оскардын" 14 наамына көрсөтүлүп, жыйынтыгында 11 сыйлыкка ээ болуп рекорд жараткан.

2016-жылы "Долби" театрында өткөн салтанатта Голливуд жылдызы көптөн күткөн мүдөөсүнө жеткен. 18 жашынан бери "Оскар" сыйлыгына көрсөтүлүп, бирок багы ачылбай жүргөн Ди Каприону "Аман калган" тасмсындагы ролу үчүн киноакадемиктер "Мыкты актёр" деп табышкан. Сыйлыкты алып жатканда Леонун кубанычы үчүн залда отургандар туруп кол чаап, алтургай "Титаниктеги" өнөктөшү Кейт Уинслет көзүнө жаш алган.

Туптуура 45 секунддун ичинде наам алган инсан ыраазычылык сөзүн билдирүүгө үлгүрүшү керек. Бул эреже 2002-жылы киргизилген. "Оскардын" тарыхында эң узак ыраазычылык сөзүн британиялык актриса Грир Гарсон сүйлөгөн. Анын узактыгы 8 мүнөткө чамалаган.

2013-жылы америкалык актриса Женнифер Лоуренс "Мыкты актриса" наамын алган. Ал кызыл килемден өтүү үчүн 4 миллион долларды чапчыган көйнөк кийип келгендиктен, аны чет элдик басылмалар "Оскардын" тарыхындагы эң кымбат көйнөк деп аташкан. Бул көйнөктү "Christian Dior" француз мода үйү тигип берген.

Учурдун легендарлуу актрисасы Мерил Стрип "Оскардын" 3 жолку статуэткасынын ээси. Ал бул наамга 21 ирет көрсөтүлүп, "Крамер Крамерге каршы", "Софинин тандоосу" жана "Темир айым" тасмаларында жараткан образдары үчүн алган.