Бишкекте эс алуучу жайдан өрт чыкты

Бишкек шаарындагы Чыңгыз Айтматов көчөсүндө жайгашкан эс алуучу жайдан өрт чыкты. Бул тууралуу ӨКМнын маалымат кызматы билдирди.

"Алдын ала айтылган маалыматтар боюнча, өрт имараттын чатырынан чыккан. Өрттү өчүрүүгө жалпы 4 бөлүм тартылды. Өрт тууралуу маалымат бүгүн, 23-февралда саат 21:27де түшкөн. Биринчи өрт өчүрүү бөлүмү саат 21:28де чыккан, кошумча 3 бөлүм тартылган. Мындан тышкары, куткаруучу топ, ӨКМнын Кризистик кырдаалдарды башкаруу борборунун кыймылдуу көчмө пункту кырсык болгон жерге чыгып кетишкен", - деп айтылат маалыматта.

Анда белгиленгендей, учурда өрт толугу менен курчоого алынган. Жабыркагандар барбы же жокпу такталууда.