АКШда 4 жаштагы кыз уктамыш болуп жатып, өз өмүрүн сактап калган

АКШда 4 жаштагы кыз уктамыш болуп, өз өмүрүн сактап калды. Бул тууралуу чет элдик басылмалар жазып чыгышты.

Маалыматка караганда, окуя АКШнын Миссури штатына караштуу Сент-Луис шаарынын четинде орун алган.

"Аталган шаардын 31 жаштагы тургуну Дорнубари Дугбор жубайы Катрина Бэнкс жана анын биринчи турмушунан 15 жаштагы уулу Кэвинди атып салган. Кичинекей кыз куралдан чыккан үндү угуп бөлмөсүнөн чыгып жакындарынын жансыз денесин көрүп калган. Ал учурда атасы кызды кайра бөлмөгө кирүүгө буйрук берген. Кыз уктоочу бөлмөсүнө кирип, уктамыш болуп жатып алган. Андан кийин Дугбор Дорнубари полицияга коңгуроо чалып үйдүн дарегин айтып, ал жерде 3 жансыз денени таба турганын билдирген. Андан соң курал менен өзүн атып салган. Полиция кызматкерлери айтылган дарек боюнча барышканда, эшик ачык болгону жана уктоочу бөлмөдө кичинекей кыз дагы деле уктамыш болуп жаткан" , - деп жазылат басылмада.

Ошондой эле чет элдик басылмалардын жазгандарына таянсак, учурда кылмыштын себептери такталууда. Ал эми кичинекей кыз туугандарынын карамагында.