Бишкек ШИИББи: "Кошунасын алгач зордуктап, кийин мууздап салган жаран камакка алынды"

Бишкекте жаран кошунасын алгач зордуктап, кийин мууздап салганын Бишкек ШИИББинен тастыкташты.

Алардын айтуусуна караганда шектүү камакка алынып, ага карата кылмыш иши козголгон.

"Кечээ, 28-февралда саат 21:00 чамасында бул окуя тууралуу маалымат келген. Ал жерге мобилдик батальондун кызматкерлери барышып, 60-65 жаштагы аялдын жансыз денесин табышкан. Кийин кылмышка шектүү катары маркумдун коңшусу кармалып, убактылуу кармоочу жайга жеткирилген. Ага карата 97-берене (киши өлтүрүү) менен кылмыш иши козголгон. Учурда керектүү экспертизалар дайындалып, иликтенип жатат", - деп билдиришти башкармалыктан.

Айта кетсек, буга чейин SUPER.KG порталына окуянын күбөсү "Бишкек шаарынын тургуну кошунасын зордуктап, кийин мыкаачылык менен сабап, аягында мууздап салды" деп билдирген.