Окумуштуулар 2030-жылы роботтордун айынан 800 миллион адам жумушсуз кала турганын айтышты

2030-жылы дүйнө жүзү боюнча болжол менен 800 миллион адам жумушун роботторго тарттырып жиберет. Бул тууралуу окумуштуулар, аналитиктер айтып чыгышканын чет элдик маалымат булактары жазды.

Иликтөөнү "McKinsey Global Institute" консалтинг компаниясы 800гө чамалуу кесиптин айланасында 46 мамлекетте жүргүзгөн. Алардын иликтөөсүнө таянсак 800 миллион адам 2030-жылдары жумушун роботторго тарттырып жиберет.

Германия, АКШ сыяктуу өнүккөн өлкөлөрдө азык-түлүк тармагында, ири заводдордо иштегендердин ишин толугу менен роботтор жасап калат. Ал эми Британияда айыл чарба менен алектенгендердин 19 пайызы жумушун алмаштырганга туура келет.

Учурда айдоо жерлеринде отоо чөптөрдү жулган роботтор көп өлкөдө адамдардын ишин жеңилдетип жатат.