Супер-Инфо
super.kg видео
ИИМ: "Мас болуп иштен айдалып, кайра жумушка алынган милиция кызматкери тапанчасын жоготуп жиберди"
Соттун чечими менен кызмат ордуна орношкон милициянын кызматкери кайрадан мыйзамды бузду. Бул туурасында ИИМдин басма сөз кызматынан билдиришти.
"9-мартта милициянын ага лейтенанты Т.Б. "Макаров" үлгүсүндөгү табелдик тапанчасын жоготуп жиберип, ал тууралуу жетекчиликке 13-мартта билдирген. Учурда табелдик куралды жоготуу фактысы боюнча ИИМдин ички иликтөө кызматы тарабынан кызматтык иликтөө иштери жүргүзүлүүдө. Эгерде кимде-ким тапанчаны таап алган болсо, жакынкы милициянын бөлүмдөрүнө тапшыруусун суранабыз жана кылмыш жоопкерчилигинен бошотулат", - деп айтылат маалыматта.
Тапанчасын жоготуп алган милициянын лейтенанты Т.Б. ички иштер органдарында ИИМдин академиясын аяктагандан кийин Сокулук районундагы Новопавловка милиция бөлүмүндө аймактык инспектор болуп иштеп баштаган. Ал эми 2012-жылы Сокулук РИИБинин Күн-Туу аймактык тескөөчүсү болуп иштеп жүргөндө унааны мас абалында башкарып баратып жол кырсыгына кабылгандыгынан улам жумушунан бошотулган. 2015-жылы Свердлов райондук сотунун чечими менен ал кайрадан Беш-Күңгөй аймактык бөлүмчөсүнө тескөөчү болуп жумушка кирген.
"Табелдик куралды жоготуу фактысы ИИМдин буйругун жана өзүнүн түздөн-түз милдетин так аткарбай, кайдыгер мамиле жасагандыгынын себебинен келип чыккан.
1
1 |