Орусия президентин шайлоодо. Кыргыз өлкөсүндө добуш берүү үчүн 6 шайлоо тилкеси ачылды

Бүгүн, 18-мартта Орусиянын президентин шайлоо өтүүдө. Анда 8 талапкер ат салышууда. Алар:

1. Сергей Бабурин;
2. Павел Грудинин;
3. Владимир Жириновский;
4. Владимир Путин;
5. Ксения Собчак;
6. Максим Сурайкин;
7. Борис Титов;
8. Григорий Явлинский.

Жалпысынан дээрлик 111 миллион шайлоочу добуш беришмекчи. Алар үчүн 43 миң 271 шайлоо тилкеси иштеп жатат. Кыргыз жеринде добуш берүү үчүн 6 шайлоо тилкеси ачылган. Тагыраагы, шайлоо тилкелери Бишкек, Ош, Кант, Каракол, Кара-Балта жана Чолпон-Ата шаарларында жайгашкан. Ага ылайык, Орусиянын жарандары бул шаарларга барып добуш бере алышат.