ЖЫЛНААМА, 26-МАРТ: Айымжан Айылчиева туулган күнүндө бриллиант көздүү шакек белекке алды

Шоу-бизнестеги жаш таланттардын бири ырчы Айымжан Айылчиева бүгүн 20 жашка толду. Ырчыны туулган күнү менен куттуктап байланыштык. Ал SUPER.KG порталына бүгүнкү күн үй-бүлөлүк майрам экенин билдирди.

"Негизи буга чейин туулган күнүмдү досторумдун курчоосунда же үй-бүлөм менен тоссомбу деп аябай ойлондум. 20 жашка чыгып жаткандыктан ата-энем, бир туугандарым менен белгилейин деп чечтим. Курбуларым менен дем алыш күнү тособуз. Мага жылуу сөздөрүн айтып, белектерин бергендер 26-мартка караган мүнөттөрдөн башталган. Эң баалуу белекти ата-энем берди. Үй-бүлөдө жалгыз кыз болгондуктан апам мага бриллиант көздүү шакегин тартуулады", - дейт.

Айымжан Айылчиева 1998-жылы 26-мартта Бишкек шаарында төрөлгөн. №6-гимназияда билим алган. Учурда Борбор Азиядагы Америка университетинин эркин искусство факультетинде 2-курста окуйт. Үй-бүлөдө 3 бир туугандын улуусу.

Белгилей кетсек, ырчы "Баары эми башталат" тасмасында роль жараткан. Бир нече эл аралык сынактардын катышуучусу. Репертуарындагы ырлары "Сүрөөн", "Келечек", "Ак бата" жана башкалар.

26-мартка жылнаама.