Өлкөгө мыйзамсыз алып кирилген 20 миллион сомдук тамеки кармалды

Өлкөгө мыйзамсыз алып кирилген 20 миллион сомдук тамеки кармалды. Бул тууралуу Мамлекеттик бажы кызматынын басма сөз кызматынан билдиришти.

Маалыматка ылайык, чек ара кызматкерлери Баткен районунун Кызыл-Жол айылынан А.С.С. аттуу Кыргыз жараны башкарып бара жаткан жүк ташуучу унааны текшеришкен. Натыйжада Тажикстандан аткезчилик менен алынып келе жаткан жалпы суммасы 20 миллион сомдон ашуун турган 425 миң кутудагы ар кайсы товардык маркадагы (Marlboro, Winston, Senator, Elite, ACTPA, Ambassador, mond, Camel ж.б.) фильтрлүү тамекилер табылган.