Мектеп директору: "Биздин мектепти 2 фин үйүн кошуп эле куруп койгон"

Биздин мектепти эки фин үйүн кошуп эле куруп койгон дейт А.Табалдиев атындагы орто мектебинин директору Апал Өзгөрүшева.

"Ат-башы районунун Баш-Кайыңды жана 1-Май айылынын ортосундагы А.Табылдиев атындагы орто мектепти 1985-жылы 2 фин үйүн кошуп эле куруп койгон. Спорт залыбыз жок, андыктан дене тарбия сабактары эшикке өтүлөт. Мектеп 120 орунга ылайыкталып салынган. Бирок учурда 189 окуучу билим алса, 28 мугалим сабак берет. Жылына окуучулардын саны 20-25ке көбөйүп жатат. Мектептин учурдагы абалы жаман, класстарды тирегичтер менен тиреп койгонбуз", - дейт мектеп директору.

Калктын саны өскөнүнө жана мектептин абалы начар болгонуна байланыштуу мектеп директору 250 орундуу, спорт залы, ашканасы менен шарттары бар жаңы мектеп курууга муктаждык бар экенин кошумчалады.