Африка экиге бөлүнүүдө. Кениянын түштүк-батыш жагында чоң жарака пайда болду

Африка экиге бөлүнүүдө. Кениянын түштүк-батыш жагында чоң жарака пайда болду. Бул тууралуу чет элдик маалымат булактары жазууда.

Маалыматка ылайык, Кениянын түштүк-батышында чоң жарака пайда болгон. Бул Африка континентинин экиге бөлүнүү процессинин бир бөлүгү болуп калды. Бул процесс миллион жылдарга созулуп, биз көнүп калган континенттердин формасынын өзгөрүүсүнө алып келет.

Аталган жарака акыркы учурда көп катталган сейсмикалык активдүүлүктөн жана көп күн бою жааган жамгырдан улам пайда болгон. Ал Нарок жана Май-Махиу шаарларын байланыштырган унаа жолунан өткөн. Жараканын тереңдиги жана туурасы 15 метрден ашкан. Жергиликтүү бийлик унаалардын өтүшүн камсыздоо үчүн жараканы таштар менен толтурткан.

Окумуштуулардын айтымында, келечекте Африка континенти чоң Нубия жана кичи Сомали деп экиге бөлүнөт. Он миллиондогон жылдардан соң жараканын ордуна океан пайда болот. Мындан улам Африка континенти кичирейип, ал эми Инд океанында Эфиопия жана Сомалинин бөлүктөрү калып калган чоң арал пайда болот.