Супер-Инфо
super.kg видео
"Vogue" журналынын башкы бетине биринчи жолу хиджаб кийген модель чыгат
Улуу Британиянын "Vogue" журналынын 100 жылдык тарыхында биринчи жолу хиджаб кийген модель журналдын башкы бетине чыгат. Бул тууралуу чет элдик басылмалар жазып чыгышты.
Маалым болгондой, ал ислам динин тутунган 20 жаштагы кениялык модель Халима Аден. Журналдын май айында жарык көрө турган санында Халима Аденден сырткары дагы 8 модель биринчи бетке чыгат. Аталган журналдын башкы редактору Эдвард Эннинфул бул тууралуу өз оюн билдирген.
"Мындан бир канча жыл мурун журналдын башкы бетинен топ кыздардын сүрөтүн көрүү мүмкүн эмес болчу. Азыр мезгил өзгөрдү, андыктан аны менен кошо биз да өзгөрүшүбүз керек", - деген ал.
Белгилей кетсек, теги ганалык болгон лондондук дизайнер Эдвард Эннинфул 2017-жылдан бери "Vogue" журналында башкы редакторлук кызматты аркалайт. Ал келгенден бери журнал кара терилүү моделдер менен тыгыз иштешип баштаган.
0
Мирлан мээси курттаган кой да сенен кененирээк ойлонот, Хиджапти молдолор же арабтар ойлоп тапкан эмес.
Кудайдын буюругу.
Араптардын салтында да болгон эмес динге чейин.
Кудайындын "ме" деген уну угулбайт, берген колу корунбойт. Мусулман десе эле пакистан иран элдеринин маданиятын фанат тутуп кереги жок. Алардын диний фантазиялары биздин молдокелерибизден ашып тушот. Диний кийимдерди кийбей эле туз туура жашаса болот.