Супер-Инфо
super.kg видео
ТЕСТ: Веб-камера алгач кандай максатта колдонулган? Интернет тууралуу эмнелерди билесиз?
4-апрель - Интернеттин Эл аралык күнү. Учурда дүйнө боюнча интернет желесин колдонгон адамдардын саны 4 миллиарддан ашат. Мындан улам SUPER.KG порталы интернет айдыңына байланыштуу суроолордун негизинде тест даярдоону чечти.
кошулду
1
2
3
4
5
6
7
8
9
10
11
12
13
14
15
Интернетти жамандап, аны сапатсыз музыкалардын өсүшүнө себепкер деп атаган белгилүү музыкант?
Британиялык музыкант Элтон Жон интернетке болгон жек көрүүсүн айтуудан эч тажабайт. Ал гана эмес, чет элдик басылмаларга сапатсыз музыканын өсүшүнө интернет күнөөлүү экендигин айтып келет.
Элтон Жон
Боб Дилан
Эминем
SUPER.KG порталына күн сайын канча колдонуучу баш багат?
Бүгүнкү күндө SUPER.KG порталы Кыргыз жергесинде эң ири кыргыз тилдүү сайт. Анын тарыхында көптөгөн жаңылануулар болуп, күнүнө 100 миңге жакын колдонуучу баш багат.
10 миң
80 миң
100 миңге жакын
Интернеттеги эң алгачкы быйтыкча?
Интернетте эң алгачкы быйтыкча сүрөт эмес, :-) ушул белгилерден турган. Жылмаюуну түшүндүргөн бул белги 1982-жылы америкалык Скотт Фальман тарабынан ойлоп табылган.
:-)
Көз кысып турган быйтыкча
Жүрөкчө
2017-жылы "М-Вектор" консалтинг компаниясы медиа рынокту иликтөө максатында жүргүзгөн сурамжылоодо SUPER.KG порталы канчанчы орунга ээ болгон?
2017-жылы "М-Вектор" консалтинг компаниясынын медиа рынокту иликтөөсү телеберүү, санариптик көрсөтүү, радиоуктуруу, басма сөз жана интернет айдыңындагы маалымат агенттиктерин камтыган. Анда SUPER.KG порталы Кыргыз жериндеги кабар таратуучу сайттардын эң алдыңкысы деп табылып, 1-орунга ээ болгон.
1-орун
2-орун
3-орун
2017-жылы Google`дан эң көп изделген суроолор?
2017-жыл ичинде көпчүлүктүн кызыгуусун жараткан окуялар Францияда өткөн президенттик шайлоо, 2018-жылы Орусияда өтө турган футбол боюнча Дүйнөлүк чемпиондук, Макгрегор менен Мейвезердин беттеши жана башкалар болгон.
Франциядагы шайлоо, футбол боюнча дүйнөлүк чемпионат жана башкалар
Владимир Путиндин жеке жашоосу тууралуу маалыматтар
Анжелина Жоли менен Брэд Питтин ажырашуусу
YouTube`га жүктөлгөн эң алгачкы видео кандай аталган?
Каналга эң алгачкы жүктөлгөн видео "Мен зоопаркта" деп аталган. Ал 2005-жылдын 23-апрелинде жүктөлүп, 19 секунд убакытты түзгөн. Анда тартылган адам каналдын негиздөөчүлөрүнүн бири - Жавед Карим.
"Жылдыздардын жашоосу"
"Дүйнөдөгү эң мыкты унаа"
"Мен зоопаркта"
Интернет аркылуу сатылган алгачкы буюм?
Интернеттеги эң алгачкы сатык 1995-жылы ишке ашкан. Анда amazon.com сайты аркылуу китеп сатылган.
Китеп
Ич кийим
Отургуч
Миңдеген окурмандарды так жана ыкчам маалымат менен камсыздаган SUPER.KG порталы кайсы жылы каттоодон өткөн?
SUPER.KG порталы 2005-жылдын 28-ноябрында каттоодон өткөн.
2001-жылы 11-январда
2005-жылы 28-ноябрда
2010-жылы 27-апрелде
Веб-камера алгач кандай максатта колдонулган?
Веб-камера биринчи жолу 1991-жылы Кембриж университетинде кофенин кайнаганын текшерүү үчүн кофе кайнатуучу идишке орнотулган. Арадан 8 жыл өткөн соң ал кофе кайнатуучу идиш аукцион аркылуу 3350 еврого сатылган.
Колдонуучулар бири-бири менен сүйлөшүү үчүн
Кофенин кайнаганын текшерүү үчүн
Ойлоп табуучу жубайынын кайда жүргөнүн билүү үчүн иштеп чыккан
Учурда Instagram`да эң көп катталуучусу бар Кыргыз ырчысы?
Учурда Кыргыз атактууларынын ичинен Instagram`да эң көп катталуучусу бар ырчы - Анжелика Бекболиева. Ага катталган колдонуучулардын саны 800 миңден ашуун.
Асел Кадырбекова
Нурлан Насип
Анжелика Бекболиева
Facebook тармагында мүнөт сайын канча адам бири-бири менен достошот?
Facebook тармагынын изилдөөсү боюнча мүнөт сайын аталган түйүн аркылуу 100 миңден ашуун колдонуучу достошот.
80 миң
100 миңден ашуун
Саны белгисиз
Интернетте көп колдонулган "хейтер" термини кимдерге карата айтылат?
Англис тилиндеги "hate"- жек көрүү сөзүнөн улам келип чыккан "хейтер" термини бирөөнү көрө албаган же жек көргөн адамдарга карата айтылат. Андай адамдар интернет аркылуу өздөрү жек көргөн адамдарга карата ар түрдүү терс сын-пикирлерди жазышат.
Бирөөнү көрө албагандар, жактырбагандар
Ашынган күйөрмандар
Бактысыз адамдар
Кайсы өлкөдө интернеттен көз каранды болгон адамдарды дарылай турган лагерь ачылган?
Кытайда интернеттен көз каранды болуп калган адамдарды оорулуу катары санап, аларды дарылоо үчүн атайын ачылган лагерге жиберишет. Ал жакта интернеттен көз каранды адамдар аскерде жүргөндөй машыгууларды жасап, катуу тартипте көзөмөлгө алынат.
АКШ
Кытай
Орусия
"Интернет аркылуу өзүмдү пиарлагым келбейт" деп социалдык тармактарды колдонуудан баш тарткан кыргыз ырчысы?
Ырчы Бактияр Токторов "Супер-Инфо" гезитине берген маегинде интернет аркылуу өзүн пиарлоону каалабай тургандыгын, андыктан социалдык тармактарды колдонуудан баш тарткандыгын айткан.
Дилшат Канделгиева
Бактияр Токторов
Ильяз Абдыразаков
2017-жылдагы дүйнөлүк статистикага ылайык, Кыргыз өлкөсү интернет колдонуучуларынын саны боюнча канчанчы орунда турат?
2017-жылдын июнь айындагы статистика боюнча Кыргыз өлкөсү 1 101 725 интернет колдонуучу менен 101-орунду ээлеген.
89-орун
97-орун
101-орун
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
3
1 |