Орус ырчысы Эдита Пьеха ооруканага жаткырылды

Орусиянын белгилүү актрисасы жана ырчы айымы Эдита Пьеха ооруканага жаткырылды. Бул тууралуу орус басылмалары жазып чыгышты.

Маалыматка ылайык, 2-апрелде ырчы айымдын бронхит оорусу күчөп кетип, Санкт-Петербург шаарындагы №2-шаардык ооруканага жаткырылган. Учурда ырчынын абалы туруктуу. Жакынкы күндөрү ооруканадан чыгарылары айтылган.

Айта кетсек, Эдита Пьеха Советтер Союзунун жана Орусиянын эстрада ырчысы жана актрисасы. Ал 2017-жылдын июль айында 80 жашка толгон. Ырчынын репертуарында 400гө жакын чыгармасы бар. "Президенттин тагдыры" ("Судьба президента"), "Ленинград эстрадасынын чеберлери" ("Мастера ленинградской эстрады") жана башка тасмаларда роль жараткан.