Германияда стаффордширдик бультерьер породасындагы ит өзүнүн 52 жана 27 жаштагы ээлерин өлтүрдү

Германияда стаффордширдик бультерьер породасындагы ит өзүнүн 52 жана 27 жаштагы ээлерин өлтүрдү. Бул тууралуу чет элдик маалымат каражаттары жазып чыгышты.

Маалыматка ылайык, Германиянын Ганновер шаарынын 52 жана 27 жаштагы тургундары өзүнүн үйүндө стаффордширдик бультерьер породасындагы ити тарабынан өлтүрүлгөн.

Белгилүү болгондой, маркумдардын үйүнө 25 жаштагы кызы келген, бирок анын чалууларына жана эшиктин коңгуроосун басканына эч ким жооп берген эмес. Мындан улам ал терезеден үйдүн ичин караган кезде бөлмөдө жансыз жаткан байкесин көргөн.

Окуя болгон жерге полиция кызматкерлери чакыртылып башка бөлмөдө майыптар арабасында отурган кыздын апасы дагы ит тарабынан тиштелип өлгөнүн аныкташкан.

Азыркы тапта ит үй жаныбарларын кармоочу атайын жайда. Ал эми полиция эмне себептен ит өз ээлерине кол салгандыгын иликтеп жатат.

Маалымат үчүн: Германияда уруштуруу үчүн багылган бультерьер породасындагы иттерди кармоого лицензия талап кылынат. Мындай иттерди кармагысы келгендер атайын сынактарды тапшырышат.