Чаткал районунун мурдагы акимине кылмыш иши козголду

Жалал-Абад облусунун Чаткал райондук прокуратурасы тарабынан райондун мурдагы акимине жана райондун башка кызматкерлерине карата кылмыш иши козголду. Бул тууралуу бүгүн, 19-июнда Башкы прокуратуранын басма сөз кызматы билдирет. Маалымат боюнча, райондун мурдагы акими Т.А., башкы эсепчиси С.Д. кызмат абалдарынан кыянаттык менен колдонушуп, 2012-жылы республикалык бюджеттен түшкөн 263 700 сомду мыйзамсыз жана максатсыз багытта пайдаланышкан. Ошондой эле райондун акими кызматынан пайдаланып, 2012-жылы 29-декабрда Чаткал райондук администрация фондунун 19 800 сом өлчөмүндөгү каражаттарын өз керектөөлөрүнө жумшаган. Натыйжада мамлекетке 283 500 сом материалдык чыгым келтирилген. Учурда кылмыш иши боюнча тергөө жүрүп жатат.