ТЕСТ: "Кыргызда бир гана келесоолор жана жалкоолор уурдабайт" деген премьер ким? Өкмөт башчылары тууралуу тесттен өтүңүз

Николай Танаев Орусиянын Пенза облусунда туулган, Казакстандын Жамбыл институтун бүтүргөндөн кийин Кыргыз өлкөсүнө келип эмгектенген, 2002-жылы премьер-министрлик кызматка дайындалган. 2005-жылы 24-марттагы ыңкылаптан кийин кызматынан кеткен.

2015-жылы ошол кездеги өкмөт башчы Темир Сариев өзүбүздүн өлкөдө өстүрүлгөн жер-жемиштерге басым жасоо зарылдыгын белгилеген. Айрым социалдык тармактардын колдонуучулары жалпы контексттеги “эт жебей эле төө буурчак жегиле” өңүттө айтылган сөзүн бөлүп алып кызуу талкууга алышкан.

Курманбек Бакиев, Роза Отунбаева, Алмазбек Атамбаев, Сооронбай Жээнбеков президент болгонго чейин өкмөт башчы кызматын аркалаган болсо, Аскар Акаев бул кызматта отурган эмес.

Сапар Исаков Кыргыз Республикасынын эң жаш өкмөт башчысы болуп тарыхта калды. Исаков 1977-жылы туулган, 2017-жылы 40 жашында өкмөт башчылыкка дайындалган.

1992-1993-жылдары Турсунбек Чыңгышев Аскар Акаевдин мезгилинде өкмөттү жетектеген. Чыңгышевдин "Кыргызда бир гана келесоолор жана жалкоолор уурдабайт" деген сөзү менен өлкөнү бир дуу кылган.

Мухаммедкалый Абылгазиев өкмөт башчы болгондон кийин айрым маалымат булактары "ырчы Айжан Газиева премьер-министрдин кызы экен" деген маалымат жазып чыгышкан. Чынында, Айжан Газиева өкмөт башчынын эмес, анын бир тууган агасынын кызы экени анык болгон.

2017-жылдын июнь айында ошол кездеги өкмөт башчы Сооронбай Жээнбеков Архитектура, курулуш жана турак жай коммуналдык чарба мамлекеттик агенттигинин жетекчисинин орун басары Алмазбек Абдыкаровду жыйынга даярдыксыз келгени үчүн "Чык эшикке!" деп жыйындан чыгарып салган.

2017-жылдын 30-декабрында Жогорку Кеңештин депутаты Өмүрбек Бабанов саясаттан биротоло кете турганын жар салган. Ал: "Мен саясаттан, анын ичинде партиялык ишмердиктен, биротоло кетип жатканымды жарыялайм. Мындай чечим мен үчүн жеңил болгон жок", - деген өз сөзүндө. Бабанов 2011-2012-жылдары өкмөт башчылык кызматты аркалаган.

2001-жылы Феликс Кулов кызмат абалынан кыянаттык менен пайдаланган деп 7 жылга эркинен ажыратылса, 2002-жылы башка иш менен 10 жылга кесилген. Оппозиция муну саясий куугунтук деп баалаган. Кулов абактан 2005-жылы болгон төңкөрүштөн кийин бошотулуп, өлкөнү колго алган лидерлердин бири болгон жана август айында өкмөт башчылыкка келген.

1991-жылдын 29-ноябрында Ош-Жалал-Абад жолунда Насирдин Исанов бараткан жеңил унаа жүк ташуучу унаа менен сүзүшүп, Исанов каза болгон. Өкмөт башчылыкка 1991-жылдын январь айында келген болчу.

1991-1992-жылдары Андрей Иордан, 1998-жылы Борис Силаев 2 күн өкмөттү башкарса, 1999-жылы 8 күн бул кызматта убактылуу милдет аткаруучу болгон. 2002-2005-жылдары Николай Танаев жана 2007-2009-жылдары Игорь Чудинов өкмөт башчылык кызматты аркалаган.

Алмазбек Атамбаевдин орус тилиндеги "Нелепые слова", "Судьбе назло", "Я не могу без тебя жить", "Мне не страшно умирать" жана кыргыз тилиндеги "Кыргызстаным", "Энекем" деген ырлары бар. Ошондой эле айрым ырларына клиптер да тартылган.

Апас Жумагулов 1934-жылдын 19-сентябрында Чүйдүн Арашан айылында туулган. 1993-жылдан 1998-жылга чейин өкмөт башчылык кызматта турган.

2016-жылы Темир Сариев отставкага кеткенден кийин өкмөт башчылыкка Сооронбай Жээнбековдун талапкерлиги Жогорку Кеңеште каралган. Ошол жыйында Жээнбеков "премьер-министр болуу түшүмө да кирген эмес" деген. 2016-жылдын 13-апрелинде Жээнбековдун талапкерлигин Жогорку Кеңеш жактырган.