ТЕСТ: Шоу-бизнестеги атактуулардын азан чакырылып коюлган атын билесизби?

"Имиджимди өзгөртөм. Бирок өзгөрүүнү аты-жөнүмдөн баштайм. Эми мен Алиман Дүйшеналиева эмес, Алиша Диамын. Кичинемден эле Алиша деген ысым абдан жакчу. Ал эми Диа деген сөз – фамилиямды эле кыскартып койгом" деген ал.

Орусиялык ырчы, обончу Виктор Белан сахнага Дима Билан деген каймана ат менен чыккан. Бул ысым ага атактуулукту алып келгенден кийин 2008-жылдын июнь айында паспорттогу атын алмаштырып, расмий түрдө Дима Билан деп өзгөрткөн.

Кыргыз шоу дүйнөсүндө саналуу рэпер жигиттерибиз бар. Алардын бири Бегиш. Ал эми анын азан чакырылып коюлган аты Бегалы.

"Кыргыз эстрадасында менин атыма окшош ырчылардан төртөө бар. Ошондуктан көпчүлүккө чаташуулар болбосун деп атымды өзгөрткөм. “А” менин атымдын баш тамгасы, ал эми “дин” продюсерим Динара эженин атынан коюлган" деген ырчынын азан чакырылып коюлган аты Алмаз.

Ооба, баарыбыз билген ырчы Назми Байзакованын азан чакырылып коюлган аты Назгүл.

Ырчынын азан чакырылып коюлган аты Гүлзат. Бирок чоң сахнага чыкканда Гүл деп өзгөрткөн. "Мен бардык жактан башкалардан өзгөчөлөнүп турганды жакшы көрөм. Атымды алгач Гүлханыша деп өзгөрт­күм келген. Курбуларыма айтсам, "Муну эл укса күлөт" дешкен. Тескерисинче, күлгөнү жакшы. Ошондо элдин эсинде жакшы сакталам деп атымды Гүл деп өзгөрткөм" деген ал.

Жаш ырчылардын бири Аско дал ушундай таланттарга ээ. Ал мектепте окуп жүргөндө "Star Dance" бий тобунда бийлеген. Асконун азан чакырылып коюлган аты Асылбек. Бирок үй-бүлөсү, достору "Аска", "Аско" деп чакыргандыктан сахнага Аско деген ысым менен чыккан.

Төрөлгөндө ыйгарылган аты Элмира. Неля деп сахнага келгенде гана өзгөртүп алган. "Элмира деген менден башка да ырчылар бар. Менин аларга окшошпой, жаңы ат менен чыккым келген", - дегени бар.

Ага-ини Самарбек менен Жанарбек 2003-жылы "Сема" деген топ түзгөн. Топтун аталышы Самарбекти кыскартылган атынан коюлган. Кийинчерек Жанарбек топтон кетип, Сема жеке ырчы катары чыгармачылыгын уланткан.

1995-жылы Каролина "Утренняя звезда" сынагына катышкан. Анда орусиялык Каролина деген атаандашы болгондуктан, Каролина каймана ат менен чыгууну чечкен. Ошондо ал өз ысымын тескерисинен окуп көрүп, аны муунга бөлгөн да Ани Лорак деген ысым менен чыккан.

Азан чакырылып коюлган аты Адилет. Ал эми фамилиясы Добранов. Окуучу кезде лакап ат койгон мода болуп, классташтары фамилиясын кыскартып Добр деп коюшкан. Кийин сахнага чыкканда да ушул лакап аты менен чыккан.

2006-жылы Стефани Жоанн Анжелина Жерманотта продюсер Роб Фьюзари менен иштешип баштаган. Продюсери бул ысым өтө узун деп сахнага ылайыктуу каймана ысым менен чыгуусун айткан. Ошондо ырчы британиялык "Queen" тобунун "Radio Ga Ga" ырынын аталышынын негизинде Lady GaGa деген ысымга токтолуп, сахнага Lady GaGa деген лакап ат менен чыккан.

Өзүнүн келбети менен канчалаган кыздардын жүрөгүнө чок салган ырчы Даниелдин азан чакырылып коюлган аты - Дамир. Бирок ырчы сахнага Даниель деген ысым менен чыккан.

Кыргыз Республикасынын Эмгек сиңирген артисти Алина Жетигенованын азан чакырылып коюлган аты – Алмакан. Достору Алина деп жүрүп эле Алина атка конуп калган.