Бишкек-Ош унаа жолунда каза болгондордун биринин аты-жөнү такталбай жатат

Бишкек-Ош унаа жолунда катталган жол кырсыгынан каза болгон жарандардын биринин аты-жөнү такталбай жатат. Бул тууралуу SUPER.KG порталына Ош облустук Жол кыймылынын коопсуздугун камсыздоо бөлүмүнөн билдиришти.

Маалыматка ылайык, каза болгондордун бири Кара-Көл шаарынын Жазы-Кечүү айылынын тургуну 20 жаштагы А.С., экинчиси Кара-Көл шаарынын тургуну 18 жаштагы К.А. Ал эми үчүнчү 20-25 жаштар чамасындагы кыз кишинин аты-жөнү такталбай жатат.

Унаанын айдоочусу 20 жаштагы И.А. денесинен оор жаракат алып, Таш-Көмүр шаардык ооруканасынын кайра жандандыруу бөлүмүнө жаткырылган. Ал бир тууган агасына тийиштүү унааны айдап, Бишкек шаарына келе жаткан.

Эске салсак, бүгүн, 3-майда эртең менен Бишкек-Ош унаа жолунда жол кырсыгы катталган. Кырсыктан 3 адам каза болуп, бир адам ооруканага жеткирилген.