ЖЫЛНААМА, 13-МАЙ: "Кан соргучтун күндөлүктөрү" тасмасы аркылуу атактуулукка жеткен америкалык актриса Кэндис Аккола 31 жашка толду

Бүгүн "Кан соргучтун күндөлүктөрү" тасмасы аркылуу атактуулукка жеткен америкалык актриса жана ырчы Кэндис Аккола 31 жашка толду.

Ал 1987-жылы 13-майда АКШнын Флорида штатындагы Эджвуд шаарында төрөлгөн. Төрөлгөндө коюлган аты-жөнү Кэндис Рене Кинг. Атасы Кевин Аккола - кесиби боюнча хирург. Ал эми апасы Кэролин Аккола инженер-эколог болуп иштеген. Кэндис Акколанын Кри аттуу бакма иниси бар.

Болочоктогу актриса башында музыкага аябай кызыгып, вокал боюнча сабак алган. 2005-жылы орто мектепти аяктап, 1 жылдан кийин "Это всегда невинные" деген музыкалык альбомун чыгарган.

2007-жылы "Пираттык лагерь" ("Пиратский лагерь") тасмасына, андан соң "Университет", "Жуно" тасмаларына тартылып, режиссёрлордун көзүнө түшөт.

2009-жылы "Кан соргучтун күндөлүктөрү" тасмасында кан соргуч Кэролайн Форбстун ролун жаратып, карьерасындагы атактуулукка жеткен.

Кэндис Кинг 2009-жылы актрисалар Кайла Юэлл, Сара Каннинг, Жулия Смарт жана фотограф Тайлер Шилдс менен коомдук тартипти бузгандыгы үчүн камакка алынган. Көп узабай алар бошотулган.

2014-жылы музыкант Жо Кингге турмушка чыгып, жан шериктер 1 жылдан кийин Флоренс Мэй Кинг аттуу кыздуу болушкан.