Өлкөдө гитараны мыкты черткендер арасында сынак өтөт

"Аскар Салымбеков" коомдук фонду менен Кыргыз Республикасынын Маданият, маалымат жана туризм министрлиги биргелешип гитара сүйүүчүлөрдүн кароо-сынагын жарыялайт. Бул тууралуу аталган министрликтин маалымат кызматынан кабарлашты.

Маалыматка ылайык, сынак 20-майдан тартып 1-июнга чейин Бишкек шаарынын жана Чүй облусунун аймагында өтөт. Сынакка өлкөнүн бардык жарандары катыша алат. Катышуучулардын жаш курагы чектелбейт.

"Кароо-сынакка катышуучулар Кыргыз Республикасынын Маданият, маалымат жана туризм министрлигине 2018-жылдын 1-июнуна чейин төмөндөгүдөй документтерди тапшырууга тийиш:

1. Катышуу жөнүндө арыз;
2. Паспортунун же туулгандыгы жөнүндө күбөлүгүнүн көчүрмөсү;
3. Аткарган эмгек стажы боюнча маалымат;
4. Өзү жана чыгармачылыгы жөнүндө баяндама;
5. Жашаган жеринин дареги жана уюлдук байланыштары.

Кароо-сынактын өткөрүлө турган күнү туурасында документтер толук кабыл алынгандан кийин Маданият министрлигинен билүүгө болот. Тандоодон өткөндөр 2018-жылдын июль айында Чолпон-Ата шаарында өтүүчү гала-концертке катышууга укук алат жана жеңүүчүлөргө байгелер ыйгарылат" ,- деп жазылат билдирүүдө.