Ким Кардашьяндын кызы 2 миң долларлык сумка көтөрөт. Анын гардеробундагы башка кийимдеринин баасына көз чаптырыңыз

Голливуддун жылдыздуу түгөйлөрү Ким Кардашьян менен Канье Уэст учурда 2 кыз, 1 уулду тарбиялап келишет. Атактуулар балдарына кымбат баалуу белектерди тартуулоо менен алардын көңүлүн алып, эркелетип келет. Бул ирет жан шериктердин тун кызы Норттун гардеробундагы эң кымбат кийимдерин тизмектеп көрдүк.

Америкалык "Oskar de la Renta" компаниясынын негиздөөчүсү, модельер Оскар-Аристид Рента-Фиальо Норттун туулган күнүнө көйнөк белек кылган. Анын баасы 600-900 долларды түзөт.

Норт Уэсттин көтөргөн сумкаларынын бири "Louis Vuitton Speedy" брендине таандык. Баасы - 995 доллар.

Кичинекей айымдын "Balmain" брендине таандык блейзери 2000 доллардан жогору.

Түрлөп сумка көтөргөн Норттун гардеробунда италиялык "Fendi" компаниясынын сумкасы да бар. Анын баасы - 2000 доллар.

Мехтен тигилген жакет - 3500 доллар.

"Vetements" брендине таандык көйнөк - 9000 доллардан өйдө (аталган сумма чоңдор үчүн, бирок кичинекейлердин көйнөгүнүн баасы мындан бир аз эле айырмаланат) турат.

Норт Уэст быйыл 15-июнда 5 жашка чыгат. Аны келе жаткан туулган күнү менен куттуктап, белектерин тартуулап жаткандар да бар. Алардын бири америкалык дизайнер Александр Вэнг өзүнүн брендинен чыккан сумканы тартуулаган. Ал сумканын баасы 750 доллар турат.