Бишкекте университеттин кафедра башчысы пара алып жаткан жеринен кармалды

Бишкектеги Кыргыз техникалык университетинин кафедра башчысы студенттен 20 миң сом өлчөмүндөгү пара алып жаткан жеринен кармалды. Бул тууралуу Экономикалык кылмыштарга каршы күрөш боюнча мамлекеттик кызматы кабарлады.

Маалыматка ылайык, кафедра башчысы 4-июнда ыкчам издөө иштеринин натыйжасында студенттен пара алып жаткан учурда кармалган.

"Экономикалык кылмыштарга каршы күрөш боюнча мамлекеттик кызматына КТУнун студенти кайрылган. Анда мугалим дипломдук иш даярдоо үчүн 20 миң сом талап кылып жатканын билдирген. Бул арыздын негизинде Кылмыш-жаза кодексинин 225-беренеси "Кызматчылар тарабынан мыйзамсыз түрдө сыйлык алуу" беренеси боюнча иш козголду", - деди маалымат катчы.

Экономикалык кылмыштарга каршы күрөш боюнча мамлекеттик кызматы студенттерге мыйзамсыз акча талап кылуу фактылары боюнча арыз менен кайрылууга чакырат.