КИНОЗАЛ: ЭКСКЛЮЗИВ! Жумагүл Раимжан кызынын "Оорусаңыз таарынам" аттуу концерти SUPER.KG порталында

SUPER.KG порталынын "Кинозал" бөлүмүнө кыргыз эстрада ырчысы Жумагүл Раимжан кызынын ушул жылдын апрель айында койгон жеке концерти жүктөлдү.

Концерт 10-апрелде Токтогул Сатылганов атындагы Кыргыз улуттук филармониясында орун алып, "Оорусаңыз таарынам" деген аталышта өткөн. Буга чейин Ош шаарында бир нече ирет концерт берген ырчы Бишкекте алгачкы жолу чыгармачылык кечесин өткөргөн.

"Борбор калаада концерт берүү үчүн толук 1 ай даярдандым. Атайын дизайнерлер менен иштешип, 5 көйнөк тиктирдим. Эмгектин акыбети кайтып, куттуу сахнада концертим ийгиликтүү өттү. Менин чыгармачылыгымды колдоп келген сахналаш досторума жана жалпы күйөрмандарыма ыраазычылыгымды билдирем", - деди Раимжан кызы.

Ырчы Жумагүл Раимжан кызынын Бишкектеги алгачкы концертинде зал 90 пайызга толгон.

Салтанаттуу кеченин 70 пайызы жандуу үн менен коштолуп, алып баруучулук кызматты Чыңгыз Мырзаев жана Нурзат Токтосунова аркалашты. Жумагүл Раимжан кызын куттуктап, ырчылар Кенже Дүйшеева, Гүлжигит Калыков, Омар жана Анжелика келип, ыр-белектерин тартуулашкан.

Концертти көрүү үчүн шилтеме.