Саясат тануучу Марс Сариев: "Жогорку Кеңеш Атамбаевге жана Жээнбековго ылайыктуу парламент болду"

28-июнда Жогорку Кеңеш акыркы жалпы жыйынга чогулуп, каникулга тарады. SUPER.KG порталы "Жогорку Кеңеш 1 жыл ичинде эмнелерге жетишти? Кандай кемчиликтерди кетирди?" деген соболуна саясат таануучу Марс Сариев жооп берди.

Ал билдиргендей, Жогорку Кеңеш бул сессияда экс-президент Алмазбек Атамбаев, азыркы президент Сооронбай Жээнбеков менен иштешти. "Эксперттер Жогорку Кеңешти таратат деп айтып жатты эле. Жээнбеков өз сөзүндө парламент тарабай турганын айтты. Жогорку Кеңеште бай бизнесмен адамдар иштейт. Ошондуктан Атамбаевге дагы Жээнбековго дагы ылайыктуу болду.

Оппозиция болгон жок. Конструктивдүү иштесе жакшы болмок. Бирок азыркы учурда Жээнбеков коррупция менен күрөшүп жатканда аны колдогону жакшы көрүнүш. 2020-жылы конструктивдүү башка парламент келсе жакшы болмок", - деген пикирде Сариев.

Жогорку Кеңештин төрагасы Дастанбек Жумабеков, "Мекен ынтымагы" партиясынын лидериТемирбек Асанбеков, Саясат таануучу Эмилбек Жороев, коомдук ишмер Эдил Байсаловдун пикири төмөнкү шилтемеде.