Парламентте "климат" деген сөздү кыргызчага которуу сунушу талашка түштү

Бүгүн парламентте “Коомдук саламаттыкты сактоо жөнүндө” КРнын мыйзамына толуктоолорду киргизүү тууралуу” мыйзамдын долбоору каралды. Депутат Исмаил Исаков бул мыйзамдын кыргызча вариантында бир катар терминдер туура эмес жазылып, которулуп, айрым сөздөр которулбай калганы үчүн колдобоо керектигин айтып чыкты. Исаков мисал келтирген сөздөрдүн арасында "адаптация", "климат" деген сөздөр бар. Депутат кыргыз тилине көңүл бурулбай жатканын айтып, "климат" деген сөздү кыргызчага которууга неге болбосун?" деди. Ал эми эл өкүлү Ыргал Кадыралиева: "Климат" деген сөздү кыргызчага которуу мүмкүн эмес, которулбаганы үчүн АКШда деле бул сөздү өз тилине ылайыктап колдонуп жүрүшөт",- деди.