"Супер хитке" Кыргыз Республикасынын Эмгек сиңирген артисттери Самара Каримова менен Юлия Руцкаянын "Курбум" чыгармасы кошулду

SUPER.KG порталынын "Медиа-портал" бөлүмүндөгү "Супер хит" долбоору кыргыз эстрада ырчыларынын видеоклиптерин колдонуучулардын сынына коёт. Сынактын шарты боюнча колдонуучулардын добушу аркылуу 10 клип электен өтүп, ар жуманын жеңүүчүсү аныкталат.

Аптанын шаршемби күнү добуш берүү токтотулуп, кайсы видеокомпозиция канчанчы орунда экендиги жарыяланат. Эң аз добуш алган клип "Супер хиттен" четтетилип, анын ордун жаңы ыр толуктайт.

Бул аптада эң аз добушка ээ болгон видеоклиптин ордуна Кыргыз Республикасынын Эмгек сиңирген артисттери Самара Каримова менен Юлия Руцкаянын аткаруусундагы "Курбум" чыгармасы кошулду.

"Достук адамдын жаш курагы менен эсептелбейт. Менин өзүмдөн улуу, кичүү курбуларым бар. Алардын бири - Юлия Руцкая. Достугубузду даңазалаган дуэт аткаралы деп курбума сунуш киргизип, ушул чыгарманы аткарып чыктык. Ал эми клип борбордон тартылды. Биздин бала чагыбызды чагылдырган кыздарды көпчүлүк күйөрмандар Юлия Руцкая менен менин кызым деп айтышат экен. Бирок кыздарды кастинг аркылуу тапканбыз", - дейт ырчы Самара Каримова.

4-ИЮЛДАН 11-ИЮЛГА ЧЕЙИН ДОБУШ БЕРҮҮНҮН ЖЫЙЫНТЫГЫНА КӨҢҮЛ БУРУҢУЗ

10-орун - Курал Чокоевдин "Эмне кылайын?" чыгармасы бул аптада эң аз добушка ээ болуп, сынактан четтетилди.

9-орунду - Назминин "Ойлойсуңбу?" клиби камсыздаган.

8-орун - Айганыш Абдиеванын аткаруусундагы "Кайрылбайт өткөн кез" чыгармасына буюрган.

7-орун - Турдакун Ниязалиевдин "Кызыма" видеокомпозициясына буюрган.

6-орунду - Эдил Маматов менен Нурмат Садыровдун "Ыйлаба, жүрөк" чыгармасы ээлеген.

5-орунда - Алмаз Шаадаевдин аткаруусундагы "Эми мага баары бир" композициясы жайгашкан.

4-орунду - Нурлан Насиптин "Мектебим" видеокомпозициясы ээлеген.

3-орунду - Алтынай Нарбаева менен Мирбек Атабековдун аткаруусундагы "Мен сени сүйөм, өмүр" камсыздаган.

2-орунда - Данияр Эрматовдун "Билем, жактырасың" чыгармасы жайгашкан.

1-орун - Мурунку аптада тизмеге жаңыдан кошулган Аваз Акимовдун "Жүрөгүм" чыгармасы эң көп добушка ээ болуп, жеңүүчү аталды.

Сүйүктүү чыгармаңызга добуш берүү үчүн шилтеме.