22 жаштагы кыз айдап бараткан унаа Токмокко жакын жерде 3-4 жолу оодарылып кетип, үч адам каза болду (сүрөт)

Бүгүн, 13-июль күнү саат 14:00 чамаларында Бишкек-Нарын унаа жолунун 44-чакырымында Мерседес-Бенц үлгүсүндөгү унаа 3-4 жолу оодарылып кетип, ичинде бараткан үч адам каза болду. Чүй облустук Жол коопсуздугун көзөмөлдөө башкармалыгынын ага тескөөчүсү Темирлан Мирсадык уулунун SUPER.KG'ге билдиришинче, унааны 22 жаштагы кыз айдап бараткан.

"Айдоочу кыз Токмоктон Бишкек шаарын көздөй келе жатып рулга ээ боло албай калып, унаа оодарылып кеткен. Кырсыктын кесепетинен унаанын ичинде айдоочу кыздан сырткары 46 жаштагы киши беш жаштагы уулу менен кошо каза болуп калышты. Ошондуктан Чүй облустук Жол коопсуздугун көзөмөлдөө башкармалыгы айдоочуларды жол эрежесин сактоо керектигин эскертебиз", - деди Мирсадык уулу.

Ага тескөөчү учурда жол кырсыгы боюнча иликтөө иштери жүрүп жатканын кошумчалады.