Түштүк Кореянын 24 жылга эркинен ажыратылган мурдагы президентинин мөөнөтүнө дагы 8 жыл кошулду

Түштүк Кореянын 24 жылга эркинен ажыратылган президентинин мөөнөтүнө дагы 8 жыл кошулду. Бул тууралуу чет элдик маалымат каражаттары жазып чыгышты.

Белгилүү болгондой, Түштүк Корея соту өлкөнүн мурдагы президенти Пак Кын Хенин иши боюнча жаңы өкүм чыгарды. Ал мамлекеттик каражаттардын жоголушуна жол берген жана 2016-жылдагы парламенттик шайлоого кийлигишкен деп табылып, 8 жылга эркинен ажыратылды.

Эскерте кетсек, апрель айында сот Пак Кын Хе коррупцияга жана өлкөнү башкарып турганда кызмат абалынан кыянаттык менен пайдаланган деп айыпталган. Мындан сырткары сот мурдагы президентке 16 миллион 900 миң доллар айып салган. Мурдагы өлкө башчы ага карата тагылган 18 айыптын он алтысы боюнча күнөөлүү деп табылып, 24 жылга эркинен ажыратылган болчу.