Футзал боюнча клубдар арасындагы Азия чемпиондугу: Оштун "EREM" командасынын беттештеринин убактысы белгилүү болду

Футзал боюнча клубдар арасындагы Азия чемпиондугунда катыша турган Оштун "EREM" командасынын беттештеринин убактысы белгилүү болду. Бул тууралуу SUPER.KG порталына Кыргыз Республикасынын футбол федерациясы маалымдады.

Индонезияда 1-12-август аралыгында өтүүчү клубдар арасындагы Азия чемпиондугунда 16 өлкөнүн чемпиондору катышып, алар 4 тайпага бөлүнгөн. Чүчү кулактын жыйынтыгында Кыргыздын "EREM" командасы "С" тайпасына туш келип, таиланддык "Чонбури Блувейв", катардык "Аль Салия" жана австралиялык "Вик Вайперс" командаларына кез келген.

"EREM" командасы Азия биринчилигинин алкагында алгачкы беттешин 2-августта катардык "Аль Салия" командасына каршы өткөрөт.

Айта кетсек, буга чейин Азия чемпиондугундагы "EREM" командасынын курамы белгилүү болгон.

"С" тайпасындагы беттештердин тизмеси:

1-тур, 2-август:

13:00. "Чонбури Блувейв" (Таиланд) – "Вик Вайперс" (Австралия);

17:00. "Аль Салия" (Катар) – "EREM" (Кыргыз Республикасы).

2-тур, 4-август:

13:00. "EREM" (Кыргыз Республикасы) – "Чонбури Блувейв" (Таиланд);

17:00 "Вик Вайперс" (Австралия) – "Аль Салия" (Катар).

3-тур, 6-август:

17:00 "Чонбури Блувейв" (Таиланд) – "Аль Салия" (Катар);

17:00 "EREM" (Кыргыз Республикасы) – "Вик Вайперс" (Австралия).