Супер-Инфо
super.kg видео
ЭЛДИК КАБАР: "Ала-Буканын Баймак айылында кыргыз телеканалдары көрсөтпөйт, Өзбекстандын каналдарын көрөбүз" дейт окурман
Жалал-Абад облусуна караштуу Ала-Бука районундагы Баймак айылында кыргыз телеканалдары көрсөтпөйт. Мындай маалыматты окурман "Элдик кабарга" WhatsApp аркылуу кабарлады.
Маалыматка караганда, аталган айылдын тургундары эң жакшы тартып көрсөтөт деген антенналарды да орнотуп көрүшкөн.
"Санариптик каналдар үчүн антеннаны, башкасын да коюп көрдүк. Бирок аракетибизден жыйынтык чыккан жок. Өзбекстандын телеканалдары эле көрсөтөт. Биз өз өлкөбүздө болуп жаткан окуялардан кабардар болуп, тасмаларын көргүбүз келет. Бул боюнча тиешелүү тараптардан жооп жана аракеттерди күтөбүз", - деген окурман өзүнүн билдирүүсүндө.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
2
1 |