ТЕСТ: "Мода өзгөрөт, стиль калат". Мода дүйнөсүн жаңырткан Коко Шанелдин ийгиликтерин, кайгысын, кубанычын билесизби?

"Chanel" мода үйүнүн 5 символу бар. Алар буудайдын башы, камелия гүлү, төрт жалбырактуу беде, арстан жана жылдыз менен комета таштарынын айкалышы.

Америкалык рэпер, музыкант, кийим дизайнери Фаррел Уильямс 2017-жылы "Chanel Gabrielle" сумкасынын жарнамасына тартылган. Муну менен ал белгилүү бренддин тарыхындагы жарнамага тартылган алгачкы мырза катары калган.

1926-жылы америкалык "Vogue" журналынын башкы бетине Коко Шанелдин популярдуу болгон кара көйнөгү чыккан. Ошол мезгилде Ford Model T үлгүсүндөгү унаа аябай популярдуу болуп, суроо-талап жогору болгон. Ошондо журнал кара көйнөктү Ford Model T үлгүсүндөгү унаага салыштырган. Ал эми эл арасында "Шанелден айымдарга Форд" деген кеп айтылып калган.

Статистикага таянсак, Францияда ар бир 30-50 секунд аралыгында "Chanel №5" жыпар жыты сатылат.

1954-жылы 71 жаштагы Шанель Швейцариядан Францияга келет. Анын айымдар үчүн жаңы кийимдер коллекциясы мода дүйнөсүндө сенсация жаратып, ийгиликтин, сый-урматтын чокусуна жеткен.

Жетимдер үйүндө чоңойгон Коко Шанелдин жаштайынан эле мүнөзүндө өжөрлүк, көз карандысыздыкка, эркиндикке умтулуу сезимдери өөрчүй баштаган.

Коко Шанель жасаган иштери, жаңычылдыктары менен көптөгөн таасирдүү, бай адамдар менен достошуп, мамиле курган. Бирок бир дагы ирет турмушка чыккан эмес. Айрым уламыштарга караганда Коко Шанелге герцог Вестминстер үйлөнүү тууралуу сунуш жасаган. Бирок моданын ханышасы "Герцогдор бирөө эмес, бир нече болушу мүмкүн. Бирок мадемуазель Шанель бирөө гана" деп баш тарткандыгы айтылып жүрөт.

Экинчи дүйнөлүк согуштан кийин Шанелге коллаборационизм (өз эрки менен душмандар менен иштешип мамлекетке зыян келтирүү) айыбы тагылып, камакка алынган. 1944-жылы Уинстон Черчилдин буйругу менен эркиндикке чыгарылган. Бирок Коко Шанелге Франция мамлекетинен чыгып кетүү талабы коюлган.

Коко Шанель "Мен ридикюль көтөргөндөн тажадым. Анын үстүнө көп жоготом" деп айткан. 1955-жылы ал төрт бурчтуу, ийинге чынжырча менен асынып алма сумканы чыгарат. Аталган сумка айымдардын колдоосуна ээ болуп, суроо-талап жогорулаган. Ал эми сумканын аталышы анын чыгарылган мөөнөтүн түшүндүрөт. 2-февраль, 1955-жыл. Баса, сумкалардын алгачкы нускалары кара түстө чыгып, 1 жылдан кийин ар кандай түстө чыга баштаган.

"Chanel" мода үйү 1908-жылы негизделген. Аталган мода үйү кийим-кече, аксессуар, сумка, көз айнек, саат, жыпар жыт, люкс классындагы зер буюмдарды жана косметикалык каражаттарды өндүрүп, сатыкка чыгарат. Учурда дүйнө жүзү боюнча "Chanel" мода үйүнүн 147 ири дүкөнү бар.

Узак жылдар бою коомдо аза күткөндөр гана кара түстөгү кийим киет деген түшүнүк болгон. Коко Шанель сүйүктүүсү Артур Кэйпел жол кырсыгынан каза болгондон кийин кара кийим кийип баштаган. 1926-жылы Коко Шанель аза күткөн айымдардын кара көйнөгүнө өзгөртүүлөрдү киргизип, тизеге чейин кыскартып, аксессуарлар менен кие баштаган. Ушундан кийин узундугу тизеге чейин болгон кара көйнөк жаңы модага айланган.

Коко Шанель 1910-жылы Парижде алгачкы дүкөнүн ачып, анда айымдар үчүн шляпалардын түрлөрү сатылган. Анын дүкөн ачуусуна офицер Этьен Бальсандын жардамы чоң болгон.

Коко Шанель 12 жашка чыкканда апасы каза болот. Габриэлди 4 иниси менен атасы дагы таштап кетип, бир туугандар Овернь аймагындагы жетимдер үйүндө тарбияланат. 18ге чыкканда Габриэль өз алдынча чыгып, кездеме саткан дүкөнгө сатуучу болуп орношуп, кечкисин жергиликтүү кафеде ырдап жан баккан.

Дүйнө жүзүнө Коко Шанель деп таанылган франциялык моделдин чыныгы аты Габриэль Бонёр Шанель. Анын каймана ысым менен таанылышы туурасында түрдүү пикирлер айтылып келет. Коомдо эң эле көп айтылган вариант - Габриэль жергиликтүү кафелердин биринде “СоСо” деген ырды ырдаганы үчүн аны Коко деп атап коюшкан.